Oklahoma

Oklahoma es un stato del Statos Unite.

Le capital de Oklahoma es Oklahoma City.

Historia^[1]

Espanioles entrava le area de Oklahoma presente in 1539. Post circa cinquanta annos franceses explorava le area, e Espania e Francia concurreva le un con le altere super le possession. In 1804 Napoleon vendeva le terreno e le integre territorio de Louisiana al Statos Unite.

In 1830 le congresso de SUA affirmava le Acto del Transferimento de Indianos e designava le Territorio de Oklahoma como terreno reservate pro nativos american. Durante le dece annos sequente statouniteses fortiava nativos del sud-est del natio a iste terreno. Multes moriva durante le viagia.

Statouniteses continuava a colonisar Oklahoma. Le prime reportos dice que blancos justemente comprava terreno del nativos, ma de facto le nativos non voleva perder lo. In 1889 Presidente William Harrison annunciava que partes de Oklahoma vadeva esser libere al colonos. Iste produceva un "cursa pro terreno", e multe statouniteses comenciava fermas e ranchos la. Africanos-american sovente esseva repellite de lor fermas. Con le augmento del population, le territorio deveniva un stato in 1907.

Post que le Grande Depression comenciava in 1929, le situation deveniva pejor quando mal practicas de agricultura causava grande tempestas de pulvere. Multe oklahomanos cambiava lor residentias, specialmente a California. Un de istes esseva Woody Guthrie (1912-1967), famose pro conservar musica traditional del Statos Unite.

Le discoperta de petroleo e le discoperta de un grande reservoir subterranee de aqua pro fermeros ha adjutava le economia de Oklahoma. Le nativos ha se multo organisate pro derectos political.

Economia

Oklahoma produceva petroleo, e multe tritico e helianthos.

Referentias

Oklahoma History Center Education Department: Timeline of Oklahoma History, https://digitalprairieok.net