Le Pais Basc o Pais Vasc (in espaniol: País Vasco, in basco: Euskal Herria) es un communitate autonomeespaniol, situate in le extreme nord-oriental del banda cantabric e circumferite al nord per le Golfo de Biscaya (mar Cantabric) e Francia (Aquitania), al sud per La Rioja, al west per Cantabria e Burgos e al est per Navarra. Le Pais Basc es recognoscite como nationalitate historic per su Statuto de Autonomia. Illo se compone del provincias (denominate territorios historic in le statuto de autonomia) de Alava, Gipuzcoa e Biscaya.
Le Pais Basc ha un extension total de 7.234 km²,[1] e un population de 2.164.311 habitantes (INE 2015),[2] con un densitate de population de 299,19 hab/km². Officialmente non ha capital, sed de facto, su capital es Vitoria (Alava), sede del institutiones communes del Parlamento e del Governamento Basc. Le citate plus populate es Bilbao.