6ma di oktobro - Eventas la batalio di Arausio (nuntempa Orange, en sudala Francia); Germana tribui la Cimbri e la Teutoni kombatis kontre du Roman armei. Ca tribui, originale de la regiono di nuntempa Dania, ja sucesoze kombatabis kontre la Romani en Noreia (nuntempa Neumarkt en Austria) en 112 A.K. ma la Romana vinko ne esabis grava. En Arausio esis du Roman armei qui ne kunlaboris; pro lia mala direktado, ye la batalio, la Romani vinkesis e perdis forsan 80 000 soldati. To pavorigis Romani, qui expektis avanco di la Cimbri e la Teutoni vers la ne-defensata regiono norde di Roma; tamen la tribui pose iris vers Pirenei. Konsulo Gaius Marius ri-organizis la Roman armeo.
