1756
| Ár |
| Áratugir |
| Aldir |
Árið 1756 (MDCCLVI í rómverskum tölum)
Á Íslandi
- Ólafur Stephensen varð varalögmaður norðan og vestan.
- Tvær bækur með íslenskum fornsögum komu út á Hólum, Ágætar fornmannasögur og Nokkrir margfróðir söguþættir.
- Fyrsta þýdda skáldsagan kom út á Hólum. Hét hún Þess svenzka Gustav Landkrons og þess engelska Bertholds fábreytilegar Róbinsons eður lífs og ævisögur úr dönsku útlagðar af séra Þorsteini Ketilssyni prófasti í Vaðlaþingi.
- Friedrich Wilhelm Hastfer var sendur til Íslands af Friðrik 5. Danakonungi til að koma á fót sauðfjárbúi.
- Mikið hafísár. Hafís rak inn á hvern fjörð á Norðurlandi, fyrir allt Austurland og suður til Vestmannaeyja. Skip komust ekki til landsins og hafísinn hvarf ekki endanlega frá landinu fyrr en í ágústlok.
- Hörkufrost og snjóar víða á Norðurlandi í júlí og ágúst.
- Snorri Björnsson varð prestur á Húsafelli. Hann var prestur þar allt til dauðadags 1803.
- Húsið á Eyrarbakka var reist.
- Danskur kaupmaður, Laurids Christensen Stistrup, gaf 600 Biblíur og 1700 Nýjatestamenti til Íslands.
- Sárasóttarfaraldur kom upp á Íslandi og var talinn tengjast Innréttingunum í Reykjavík.
Fædd
Dáin
- 29. janúar - Snorri Jónsson, prestur á Helgafelli (f. 1683).
Opinberar aftökur
- Þrír menn hengdir fyrir þjófnað og flótta, þar af tveir í Rangárþingi og einn í Norðursýslu.[1]
Erlendis
- 15. maí - Sjö ára stríðið hófst þegar Bretar sögðu Frökkum formlega stríð á hendur en áður höfðu Frakkar gert innrás á Minorca, sem Bretar réðu þá.
- 29. ágúst - Friðrik mikli Prússakonungur gerði innrás í Saxland.
- Friðrik mikli neyddi prússneska bændur til að rækta kartöflur við litla hrifningu þeirra.
- Samfelldar reglubundnar veðurathuganir hófust í Englandi og í Svíþjóð.
Fædd
- 27. janúar - Wolfgang Amadeus Mozart, tónskáld (d. 1791).
- 31. janúar - Maria Theresa af Savoja, kona Karls 10., síðar Frakkakonungs (d. 1805).
- 3. mars - William Godwin, enskur rithöfundur (d. 1836).
- 14. júlí - Thomas Rowlandson, enskur listmálari og skopteiknari (d. 1827).
Dáin
- 10. apríl - Giacomo Antonio Perti, ítalskt tónskáld (f. 1661).
- 18. apríl - Jacques Cassini, franskur stjörnufræðingur (f. 1677).
Tilvísanir
- ↑ Skrá á vef rannsóknarverkefnisins Dysjar hinna dauðu, á slóðinni https://dhd.hi.is, sótt 15.2.20202.