Bank Indonésia

Bank Indonésia
Native name
De Javasche Bank (Indonésia: Bank Pulau Jawa)
TypeBank sentral
Headquarters
Jakarta Pusat
,
Indonésia
Area served
Sakabèhing Indonésia
Key people
Agus Martowardojo (Gubernur)
Mirza Adityaswara (Deputi Gubernur)
OwnerPamaréntah Indonésia
WebsiteSitus jaringan resmi

Bank Indonésia (BI, biyèn karan De Javasche Bank) iku bank sentral Républik Indonésia. Minangka bank sentral, BI ndarbèni siji tujuan tunggal, yaiku nggayuh lan miara kastabilan ajiné dhuwit rupiah. Kastabilan aji rupiah iki ngandhut rong aspèk, yaiku kastabilan aji mata uang marang barang lan jasa, sarta kastabilan marang mata uang nagara liya.

Kanggo nggayuh tujuan mau BI dijurung déning telu pilar kang dadi telu babagan tugasé. Katelu babagan tugas iki yaiku ngukuhaké lan nindakaké kawicaksanan monetèr, ngatur lan njaga kalancaran sistem pembayaran, sarta ngatur lan ngawasi perbankan ing Indonésia. Kateluné perlu diintegrasaké supaya tujuan nggayuh lan miara kastabilan ajiné dhuwit rupiah bisa kaleksanan kanthi èfèktif lan èfisièn.

BI uga dadi siji-sijiné lembaga kang duwé hak kanggo ngédharaké dhuwit ing Indonésia. BI dibawahi Dewan Gubernur. Kanggo periode 2008-2013, Boediono mengku kalungguhan minangka Gubernur BI. Nanging magepokan karo pencalonan minangka Wakil Présidhèn Républik Indonésia sajeroning pamilihan Présidhèn taun 2009 Boediono kudu mandheg saka kalungguhan minangka Gubernur Bank Indonésia.

Para Gubernur Bank Indonésia

Wiwit diwangun, Gubernur BI kaya kapacak ing ngisor iki:

  • 2008-2013 Boediono
  • 2003-2008 Burhanuddin Abdullah
  • 1998-2003 Syahril Sabirin
  • 1993-1998 J. Soedradjat Djiwandono
  • 1988-1993 Adrianus Mooy
  • 1983-1988 Arifin Siregar
  • 1973-1983 Rachmat Saleh
  • 1968-1973 Radius Prawiro

Deleng uga

  • Sertifikat Bank Indonésia
  • PPATK
  • LPS
  • Korupsi di Bank Indonésia

Pranala njaba