Fadel Muhammad
| Fadel Muhammad | |
|---|---|
 | |
| Mantri Sagara lan Minakarya Indonésia ke-5 | |
| Linggih 22 Oktober 2009 – 19 Oktober 2011 | |
| Présidhèn | Susilo Bambang Yudhoyono |
| Kang sadurungé | Freddy Numberi |
| Kang sawisé | Sharif Cicip Sutardjo |
| Gubernur Gorontalo | |
| Linggih 2001 – 2009 | |
| Kang sadurungé | Tursandi Alwi |
| Kang sawisé | Gusnar Ismail |
| Rerincèn dhiri | |
| Lair | Mèi 20, 1952 Ternate, Maluku, Indonésia |
| Bangsa | Indonésia |
| Sisihan | Hana Hasanah |
| Almamater | Institut Teknologi Bandung |
Ir. H. Fadel Muhammad Al-Haddar (lair ing Ternate, Maluku, 20 Mèi 1952; umur 72 taun), Fadel Muhammad iku pulitikus Indonésia kang njabat Mantri Kelautan dan Perikanan ing Kabinet Indonésia Bersatu II wiwit 22 Oktober 2009.[1] Sadurungé njabat dadi mantri, Fadel njabat dadi Gubernur Provinsi Gorontalo wiwit 10 Dhésèmber 2001 nganti 22 Oktober 2009.[1] Nalika pilkada Gorontalo 2006 kang ditindakaké nalika tanggal 26 November 2006, Fadel éntuk swara 81 persèn.[1] Aji swara iku dadi aji kang paling dhuwur ing Indonèsia kanggoné pilkada jinis iki lan kacathet ing rekor MURI sebagai rekor pemilihan gubernur Indonésia kang duwé swara paling akèh.[1]
Nalika 17 Januari 2007 utawa sadina sawisé pencanangan Gerakan Peningkatan Produksi Padi Nasional 2 Juta Ton, Mantri Dalam Negeri Mohammad Ma'ruf nglatik pasangan wakil gubernur kanggo kalamangsa kedua.[1] Prosès pelantikan dilaksananakaké ing wewengkon nasional saka Gedung DPRD, Botu (Gorontalo) lumantar giyaran TVRI.[1]
Fadel sadurungé dadi mantri iku kalebu pengusaha lan pulitikus Indonésia.[1] Fadel uga dadi Ketua DPD I Golkar ing Gorontalo.[1] Sawisé cerai karo bojoné kang sepisanan, Fadel banjur nikah karo wong wadon kang jenengé Hasanah binti Thahir Shahab.[1]
Fadel éntuk gelar insinyur saka Jurusan Teknik Fisika, Institut Teknologi Bandung (ITB) nalika taun 1978.[1] Nalika lagi kuliah ing ITB, Fadel tau éntuk tawaran beasiswa kanggo sinau ing Institut Teknologi California, nanging Fadel banjur nolak beasiswa iku.[1] Fadel tau dadi anggota Menwa ITB.[1] Fadel iku wong kang ngedegaké Ikatan Cendekiawan Muslim Indonésia (ICMI) lan mantan pemimpin Grup Bukaka.[1] Saliyané iku Fadel uga tau dadi salah sijiné wong kang duwé saham ing Bank Intan kang banjur dilikuidasi.[1]
Fadel Mohammad uga tau nggawé filem otobiografiné kang judhulé Fadel Muhammad Mengabdi untuk Indonésia.[2] Peluncuran filem iki ditindakaké ing Taman Ismail Marzuki, Jakarta.[2] Film dokumenter iki caritane ngenani solah bawané nalika njabat dadi gubernur provinsi Gorontalo kang lagi duwé umur sewindu utawa wolung taun.[2]
Cathetan suku