Hasan al-Banna

Hasan al-Banna (Arab: الحسن البصري‎‎; full name: Al-Hasan ibn Abi-l-Hasan al-Basri) iku tokoh agama, ulama, lan pimpinan obahan Islam Ikhwanul Muslimin. Awit cilik wis akrab karo pendidikan Islam, pengajian Alqur’an, hadist lan ngèlmu fiqih sarta merguru marang wong tuwané. Kacerdasan otake kabukten ing umur 14 taun dhèwèké saguh ngapalake Qur'an.^[1] Hasan al-Banna lair ing dhusun Mahmudiyah kawasan Buhairah, Mesir taun 1906, putrane ulama gedhé ing Mesir.

Prestasine Hasan Al-Banna ora mung ing ngèlmu agama, nanging uga ing pendhidhikan formal. Ing pendhidhikan menengah, dhèwèké lulus kanthi predikat paling apik ing sekolahé lan lulusan paling apik nomer 5 ing Mesir. Umur 16 taun dhèwèké kuliah ing Universitas Darul Ulum Mesir lan lulus nalika umur 21 taun. Sak tamate kuliah, dhèwèké makarya ing donya pendhidhikan minangka tenaga pengajar ing perguruan Isma’iliyah.