Kinanthi

Kinanthi iku salah sijiné tembang macapat kang racaké dienggo nggambaraké rasa seneng, katresnan, lan kawicaksanan. Kinanthi bisa nduwé arti gegandhèngan tangan lan bisa uga jeneng siji kembang. Ana uga kang nggandhèngaké kinanthi klawan Maskumambang. Yèn maskumambang kanggo wong lanang kang lagi diwasa, kinanthi kanggo wanita.

Kinanthi kaangit saka nem gatra (larik) saben pada (bait).

• 8-u
• 8-i
• 8-a
• 8-i
• 8-a
• 8-i

Anoman mlumpat sampun

praptêng witing nagasari

mulat mangandhap katingal

wanodyâyu kuru aking

gelung rusak awor kisma

ingkang iga-iga kêksi

• (Saka Serat Rama Kawi déning Kyai Yasadipura)

Pitik tulak pitik tukung

Tetulake Jabang bayi

Ngedohaken cacing racak

Sarap sawane sumingkir

Si tulak manggung ing ngarso

Si Tukung ngadhangi margi

Punapa ta mirah ingsun

Prihatin waspagung mijil

Tuhu dahat tanpa karya

Sengkang rinemekan gusti

Gelung rinu saksekarnya

Sumawur gambir melati