ამერიკული ბოცვერი (ლათ.Sylvilagus) — ძუძუმწოვრების გვარი კურდღლისებრთა ოჯახისა. გვარის 16 წარმომადგენელი ცხოვრობს ამერიკის კონტინენტზე სამხრეთი კანადიდან დაწყებული ჩრდილოეთ არგენტინამდე დამთავრებული. მათი სხეულის სიგრძე 22-47 სმ აღწევს, წონა 250-2700 გრამს. სახეობების გარკვეული ნაწილი ჭაობებში ცხოვრობს, საშიშროების შემთხვევაში წყალში ყვინთავენ. სხვები ტყეებსა და ბუჩქნარებში ცხოვრობენ.
