კვარტბლოკი
კვარტბლოკი (ლათ. quartus, ოთხიანი + ბლოკი) — ფილატელისტურ საკოლექციო ერთეული, რომელიც წარმოადგენს ოთხი ერთნაირიმარკის ორ რიგად და ორ მწკირვად (2×2) განლაგებული გადაბმას. კვარტბლოკი შეიძლება განვიხილოთ, როგორც ბლოკი ველების გარეშე ან როგორც ფურცლის ნაწილი. კვარტბლოკი შეიძლება დეფისით იყოს დაწერილი — კვარტ-ბლოკი. კვარტბლოკისა და მისი ანალოგებისათვის დამახასიათებელია კიდეებზე სტამბიდან შეძენილი ნიშნები (საბეჭდი ფირფიტის ნომრების ან სეიების აღმნიშვნელი ციფრები, ასოები და ა.შ.). ასეთ გადაბმებს ინგლისურ ენაზე (ინგლ. plate block) ანუ სტამბის ბლოკი ეწოდებათ.
აღწერა
მარკების განლაგების მიხედვით კვარტბლოკი შეიძლება იყოს:
- კუთხის, ბლოკი ამოღებულია ფურცლის კუთხიდან და ორი მხრიდან აქვს ფურცლის კიდეები შერჩენილი (იხ. სურათი). აქედან გამომდინარე, ერთი ფურცლიდან შესაძლებელია გამოვიდეს 4 კვარტბლოკი.
- კიდიანი, ბლოკის მხოლოდ ერთ მხარეზე ფურცლის კიდე შერჩენილი[1].
- უკიდო, ბლოკს არც ერთ მხარეზე არ აქვს ფურცლის კიდე.
ანალოგები
კვარტბლოკის ანალოგებია:
- სამმარკა ბლოკი — 3 მარკიანო ბლოკი (ერთ რიგად განლაგებული მარკებით);
- ექვსმარკა ბლოკი — 6 მარკიანი ფურცელი (2×3 მარკების განლაგებით);
- რვამარკა ბლოკი — 8 მარკიანი ფურცელი (4×4 მარკების განლაგებით);
- ცხრამარკა ბლოკი — 9 მარკიანი ფურცელი (3×3 მარკების განლაგებით);
- ათმარკა ბლოკი — 10 მარკიანი ფურცელი (2×5 მარკების განლაგებით) და ა.შ.
კოლექცია
კვარტბლოკი გავრცელებული ფილატელისტური ფორმაა. ფილატელისტები მას განიხილავენ, როგორც ცალკე ფილატელისტურ ერთეულს. ერთი ფურცლისაგან მიღებული კვარტბლოკები შეიძლება განსხვავებულად საინტერესო იყოს კოლექციონერისათვის, მაგალითად, ფურცლის კიდეზე შეიძლება განთავსებული იყოს ფილიგრანი, საფოსტო, ტექნიკური ან ტიპოგრაფიული წარწერა ან რაიმე აღნიშვნა
ფილატელისტების ინტერესი კვარტბლოკისადმი განპირობებულია შემდეგით:
- კვარტბლოკი ყველაზე მცირე ზომის ფურცელია
- კარგად ჩანს დაკბილვის ან პერფორაციის თავისებურება
- მარკის ნამდვილობის დადასტურების პრაქტიკულად 100%-იანი გარანტია არსებობს
- გაყალბების დროს დაკბილვის და პერფორაციის სიზუსტე დაცული არ არის)
- ექსპერტიზისათვის მნიშვნელოვან მახასიათებლებს შეიცავს, რაც მნიშვნელოვანია იშვიათი და ძირფასი მარკების შესწავლისას.
მხატვრული ლიტერატურა
„ვარდისფერი მერკურის“ იშვიათი კვარტბლოკის შესახებ ნაამბობია ჩეხოსლოვაკიელი მწერლის ფ. ლანგერის (1888—1965) ამავე სახელწოდების წიგნში.[2].
იხილეთ აგრეთვე
- ბლოკი
- ფურცელი
- გადაბმა
ლიტერატურა
- „ტერმინოლოგია“ დაარქივებული 2008-12-19 საიტზე Wayback Machine.
- ფილატელისტური ლექსიკონი
- „საფოსტო მარკების ფორმები“
- „დიდი ფილატელისტური ლექსიკონი“, 1988. გვ. 320 ISBN 5-256-00175-2.
სქოლიო
- ↑ «Большой филателистический словарь», с полем (1988).
- ↑ Лангер Ф. Розовый Меркурий. О чём рассказали марки. 1969. с.224 Кварт-блок розовых Меркуриев
| |||||||||||||||||||||||
