მულტიმეტრი

მულტიმეტრი, ელექტროსაზომი კომბინირებული ხელსაწყო — ელექტრული სიდიდეების (დენის ძალა, ძაბვა, წინაღობა, ტევადობა და ა. შ.) საზომი ხელსაწყო.

განასხვავებენ უწყვეტ და დისკრეტულ ელექტროსაზომ კომბინირებულ ხელსაწყოებს. უწყვეტი ელექტროსაზომი კომბინირებული ხელსაწყო როგორც წესი აღჭურვილია მრავალზღვრიანი ამპერმეტრით, ვოლტმეტრით, ომმეტრით და სხვა. დისკრეტულში კი ელექტრული სიდიდე ციფრული ინდიკატორიდან დისკრეტული რიცხვით აითვლება.

ლიტერატურა

• ზედგინიძე ი., ქართული საბჭოთა ენციკლოპედია, ტ. 4, თბ., 1979. — გვ. 113.