ომარ ლაროსა

ომარ ლაროსა

პირადი მონაცემები
სრული სახელი	ომარ რუბენ ლაროსა
დაბადების თარიღი	18 ნოემბერი, 1947 (1947-11-18) (77 წლის)
დაბადების ადგილი	ლანუსი, ბუენოს-აირესი, არგენტინა
სიმაღლე	175 სმ
სათამაშო პოზიცია	ნახევარმცველი
პროფესიონალური კარიერა*
წლები	გუნდი	მატჩი	(გოლი)
1967–1968	ბოკა ხუნიორსი	9	(1)
1969	არხ. ჯუნიორსი	31	(7)
1970	ბოკა ხუნიორსი	22	(0)
1971	კომუნიკასიონესი	?	(?)
1972–1976	ურაკანი	228	(42)
1977–1980	ინდეპენდიენტე	156	(23)
1980	ველესი	13	(4)
1981	სან-ლორენსო	27	(4)
ეროვნული ნაკრები
1977–1978	არგენტინა	11	(0)
სამწვრთნელო კარიერა
2010–	ბოკა ხუნიორსი (თ.)
ჯილდოები არგენტინა ფეხბურთი მსოფლიო ჩემპიონატი ოქრო არგენტინა 1978
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

ომარ რუბენ ლაროსა (ესპ. Omar Ruben Larrosa; დ. 18 ნოემბერი, 1947, ლანუსი, ბუენოს-აირესი, არგენტინა) — არგენტინელი ფეხბურთელი, ნახევარმცველი. 1978 წლის მსოფლიო ჩემპიონი არგენტინის ეროვნული ნაკრების შემადგენლობაში.^{[1][2][3][4][5][6]}

2010 წლიდან მუშაობს „ბოკა ხუნიორსის“ მთავარი მწვრთნელის თანაშემწედ.

სხვადასხვა დროს იცავდა „ბოკა ხუნიორსის“, „არხენტინოს ჯუნიორსის“, „კომუნიკასიონესის“, „ურაკანის“, „ინდეპენდიენტეს“, „ველეს სარსფილდის“, „სან-ლორენსოსა“ და არგენტინის ეროვნული ნაკრების ღირსებას. არგენტინის ოთხგზის ჩემპიონი „ბოკა ხუნიორსის“ 1970, „ურაკანის“ 1973 და „ინდეპენდიენტეს“ 1977, 1978 შემადგენლობაში.

1977–1978 წლებში წლებში არგენტინის ეროვნული ნაკრების შემადგენლობაში 11 შეხვედრა ჩაატარა,^[7] რომლის მაისურით პირველად 1977 წლის 29 მაისს, პოლონეთის ეროვნული ნაკრების წინააღმდეგ გამართულ საერთაშორისო ამხანაგურ შეხვედრაში გამოვიდა მინდორზე. არგენტინელებმა თამაში ასეთი შემადგენლობით დაიწყეს: უგო გატი, ხორხე კარასკოსა, დანიელ კილერი, ხორხე ოლგინი, ოსვალდო არდილესი, დანიელ ბერტონი, ამერიკო გალიეგო, ოსკარ ორტისი, რიკარდო ვილა, ვისენტე პერნია და ლეოპოლდო ლუკე. ლაროსა შეხვედრის 62-ე წუთზე ოსკარ ორტისის ნაცვლად შევიდა მოედანზე. მატჩი ბუენოს-აირესში გაიმართა და არგენტინელთა გამარჯვებით, ანგარიშით 3–1 დასრულდა. ეროვნული ნაკრების რიგებში უკანასკნელად 1978 წლის 25 ივნისს, ნიდერლანდების ნაკრების წინააღმდეგ არგენტინის მსოფლიო ჩემპიონატის ფინალში ითამაშა. ლაროსამ შეხვედრის 65-ე წუთზე ოსვალდო არდილესი შეცვალა. მატჩი ბუენოს-აირესში გაიმართა და არგენტინელთა გამარჯვებით ანგარიშით — 3–1 დასრულდა. მისი მონაწილეობით გამართული 11 მატჩიდან არგენტინელებმა 6 შეხვედრა მოიგეს, ორი დათმეს და სამიც ფრედ დაამთავრეს.

№	თარიღი	ადგილი	მასპინძელი	ანგარიში	სტუმარი	შეჯიბრება	შენიშვნა	წყარო
1	29.05.1977	ბუენოს-აირესი	არგენტინა	3–1	პოლონეთი	ამხანაგური	62'	[8]
2	05.06.1977	ბუენოს-აირესი	არგენტინა	1–3	გფრ	ამხანაგური	75'	[9]
3	12.06.1977	ბუენოს-აირესი	არგენტინა	1–1	ინგლისი	ამხანაგური	55'	[10]
4	18.06.1977	ბუენოს-აირესი	არგენტინა	1–1	შოტლანდია	ამხანაგური	70'	[11]
5	26.06.1977	ბუენოს-აირესი	არგენტინა	0–0	საფრანგეთი	ამხანაგური		[12]
6	19.03.1978	მარ-დელ-პლატა	არგენტინა	2–1	პერუ	კასტილიას თასი	(1)	[13]
7	23.03.1978	ლიმა	პერუ	1–3	არგენტინა	კასტილიას თასი		[14]
8	29.03.1978	ბუენოს-აირესი	არგენტინა	3–1	ბულგარეთი	ამხანაგური		[15]
9	25.04.1978	მონტევიდეო	ურუგვაი	2–0	არგენტინა	ამხანაგური		[16]
10	21.06.1978	როსარიო	არგენტინა	6–0	პერუ	არგენტინა 78		[17]
11	25.06.1978	ბუენოს-აირესი	არგენტინა	3–1	ნიდერლანდები	არგენტინა 78	65' 93'	[18]

ომარ ლაროსამ 1978 წლის მსოფლიო ჩემპიონატის ორ შეხვედრაში მიიღო მონაწილეობა — პერუსა და ნიდერლანდების ეროვნული ნაკრების წინააღმდეგ.^[20][21][22]

ჩემპ.	მასპინძელი	№	პოზიცია	შ	ბ	მ	ფ	წ	შედეგი
1978	არგენტინა	12	ნახევარმცველი	2	0	2	0	0	ჩემპიონი

ბოკა ხუნიორსი

• არგენტინის პრიმერა დივიზიონი: 1970

ურაკანი

• არგენტინის პრიმერა დივიზიონი: 1973

ინდეპენდიენტე

• არგენტინის პრიმერა დივიზიონი (2): 1977,^[23] 1978^[24]

არგენტინა

• მსოფლიო ჩემპიონი: 1978 ^[25]

ვიკისაწყობში არის გვერდი თემაზე:

ომარ ლაროსა

ხ • გ • რ არგენტინის შემადგენლობა – 1978 წლის მსოფლიო საფეხბურთო ჩემპიონატი 1 ალონსო 2 არდილესი 3 ბალეი (მ) 4 ბერტონი 5 ფილოლი (მ) 6 გალიეგო 7 ლუის გალვანი 8 რუბენ გალვანი 9 ჰაუსმანი 10 კემპესი 11 კილერი 12 ლაროსა 13 ლა ვოლპე (მ) 14 ლუკე 15 ოლგინი 16 ორტისი 17 ოვიედო 18 პანიანინი 19 პასარელა (კ) 20 ტარანტინი 21 ვალენსია 22 ვილა მწვრთნელი: სესარ ლუის მენოტი