ტაგანროგის ყურე
ტაგანროგის ყურე — უდიდესი ყურე აზოვის ზღვის ჩრდილო-აღმოსავლეთ ნაწილში. ზღვიდან გამოყოფილია ცელებით. სიგრძე დაახლოებით 140 კმ, სიგანე შესასვლელთან 31 კმ, საშუალო სიღრმე 5 მ. ნაპირები უმთავრესად მაღალია, ზოგან ფლატოვანი, ბევრია ქვიშიანი ცელა. ყურეში მდებარეობს ქვიშის კუნძულები. ყურეში ჩადის მდინარეები დონი, კალმიუსი, მიუსი, ეა. იყინება დეკემბერში, ყინულძვრაა მარტში. დიდი ნავსადგურებია მარიუპოლი და ტაგანროგი.
ლიტერატურა
- ქართული საბჭოთა ენციკლოპედია, ტ. 9, თბ., 1985. — გვ. 636.