შიმშილაქედი (თერჯოლის მუნიციპალიტეტი)

სხვა მნიშვნელობებისთვის იხილეთ შიმშილაქედი (მრავალმნიშვნელოვანი).

სოფელი
შიმშილაქედი
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	თერჯოლის მუნიციპალიტეტი
თემი	ზედა საზანო
კოორდინატები	42°12′14″ ჩ. გ. 43°03′04″ ა. გ. / 42.20389° ჩ. გ. 43.05111° ა. გ. / 42.20389; 43.05111
ცენტრის სიმაღლე	320 მ
მოსახლეობა	185[1] კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995
საქართველო იმერეთის მხარე

შიმშილაქედი — სოფელი საქართველოში, იმერეთის მხარის თერჯოლის მუნიციპალიტეტში (ზედა საზანოს თემი). მდებარეობს მდინარე ძუსის (ჩოლაბურის აუზი) მარჯვენა მხარეს. ზღვის დონიდან 320 მეტრი, თერჯოლიდან 10 კილომეტრი.

2014 წლის აღწერის მონაცემებით სოფელში ცხოვრობს 185 ადამიანი.

აღწერის წელი	მოსახლეობა	კაცი	ქალი
2002[2]	263	127	136
2014[1]	185	98	87

სოფლის სახელწოდების შესახებ არსებობს ლეგენდა. შიმშილაქედის ტერიტორიაზე დიდი წყალდიდობა დაწყებულა. მდინარე ხმორდოლს კალაპოტი გადაულახავს და მთელი ტერიტორია დაუტბორავს. წყალდიდობა დიდხანს გაგრძელებულა. მდინარის მარჯვენა ნაპირის მოსახლეობა მოუწყვეტია მარცხენა მხარისათვის. ხალხი შიმშილისაგან აუტანელ დღეში ჩავარდნილა, ძუძუთა ბავშვების დიდი ნაწილი დაღუპულა. როდესაც წვიმა შეჩერებულა, წყალს დაუკლია. მაგრამ გაღმა-გამოღმა კავშირი მაინც ვერ აღუდგენიათ. ამ დროს მდინარის მარცხენა მხარის სოფელში სტუმრად ყოფილა მარჯვენა ნაპირის მცხოვრები ხუხუტა. როდესაც ხუხუტა აზვირთებულ მდინარის ნაპირს მიდგომია, მაშინვე ოჯახის ამბავი მოუკითხავს. მდინარის მეორე ნაპირიდან მეზობლებს დაუძახიათ „შიმშილი არის აქეთო“. ამ ამბის შემდეგ ამ ადგილს შიმშილაქედი შეურქმევიათ და დღესაც ამ სახელითაა ცნობილი.

სოფლის ტერიტორია ნაწილი იყო ჭალატყის ნაქალაქარისა, რომელშიც შედიოდნენ ზესტაფონის მუნიციპალიტეტის სოფლები ჭალატყე, ზოვრეთი, ქვედა საზანო, ტყლაპივაკე, შიმშილაქედი და ამჟამინდელი თერჯოლის მუნიციპალიტეტის სოფელი ზედა საზანო. ლეგენდებში ნაქალაქარი „ბალიასტომად“ მოიხსენიება.

• ქართული საბჭოთა ენციკლოპედია, ტ. 10, თბ., 1986. — გვ. 747.

ხ • გ • რ თერჯოლის მუნიციპალიტეტის დასახლებული პუნქტები ქალაქი თერჯოლა სოფლები ახალი თერჯოლა · ახალუბანი · ბარდუბანი · ბოსელა · ბროლისქედი · გოგნი · გოდოგანი · დელტასუბანი · ეწერი · ვარდიგორა · ზარნაძეები · ზედა ალისუბანი · ზედა საზანო · ზედა სიმონეთი · თავასა · თუზი · თხილთაწყარო · კაკაბაური · კვახჭირი · მაჩიტაური · მუჯირეთი · ნაგარევი · ნავენახევი · ნახშირღელე · ოდილაური · ოქონა · ოქტომბერი · რუფოთი · სათემო · სარბევი · სეფარეთი · სიქთარვა · სკანდე · ტელეფა · ქვედა ალისუბანი · ქვედა სიმონეთი · ღვანკითი · შიმშილაქედი · ჩიხორი · ჩხარ-ეწერი · ჩხარი · ძევრი · ჭალასთავი · ჭოგნარი · ჯგილათი