Баян Имашева

Баян Имашева
Жалпы мағлұмат
Туған күні	1 наурыз 1941 (1941-03-01)
Туған жері	Түркістан облысы, Түлкібас ауданы
Қайтыс болған күні	16 қазан 2024 (2024-10-16) (83 жас)
Азаматтығы	Қазақ КСР  Қазақстан
Мамандығы	актриса
Белсенді жылдары	1958 жылдан
Марапаттары

Баян Имашева (1941 жылы 1 наурызда Түркістан облысы, Түлкібас ауданы, Борсықсай ауылында туған — 16 қазан 2024) — актриса. Қазақстанның еңбек сіңірген әртісі (1998). Мұхтар Әуезов атындағы Қазақ мемлекеттік академиялық драма театрының актрисасы (1964 жылдан).

• Қазақ академиялық драма театры жанындағы театр студиясын бітірген (1960).
• Өнер жолын Қарағанды облыстық драма театрынан бастаған.
• 1965 жылдан Қазақ академиялық драма театрының актрисасы.

Валя Панфилова (М.Әуезов пен Ә.Әбішев, «Намыс гвардиясы»), Бибіш (М.Мұқашев, «Дала дастаны»), Алма (Е.Домбаев, «Желіккен жеңгейлер»), Бөрте, Нұрғаным (И.Ғайып, «Шыңғысхан» мен «Мен ішпеген у бар ма»), Полина Андреевна (А.П. Чехов, «Шағала»), Рахия (Р.Мұқанова, «Мәңгілік бала бейнесі»), Қара кемпір (М.Жұмабаев, «Ғашықтық дерт»), т.б. Бір-біріне ұқсамайтын, айқын бояулы рөлдері Имашеваның алуан қырлы, рухани ішкі дүниесінің бай, табиғи дарын иесі екенін көрсетеді.^[1]

Жары: актер, Қазақ ССР халық артисі, Қазақ ССР мемлекеттік сыйлығының иегері Ә.Молдабеков

• 1998 жылы Қазақстанның еңбек сіңірген әртісі құрметті атағы берілді
• 2016 жылы ҚР тәуелсіздігіне 25 жыл медалі.