Ескене мұнай кен орны

Ескене мұнай кен орны
47°14′54″ с. е. 52°28′25″ ш. б. / 47.24833° с. е. 52.47361° ш. б. / 47.24833; 52.47361 (G) (O) (Я)Координаттар: 47°14′54″ с. е. 52°28′25″ ш. б. / 47.24833° с. е. 52.47361° ш. б. / 47.24833; 52.47361 (G) (O) (Я)
Ел	Қазақстан
Аймақ	Атырау облысы
Ашылған уақыты	1932 жыл
Жер қойнауын пайдаланушы	ҚазМұнайГаз Барлау Өндіру
Ескене мұнай кен орны
Ескене мұнай кен орны

Ескене мұнай кен орны — Атырау облысы Атырау қаласынан солтүстік-шығысқа қарай 60 км жерде. Кен орны 1932 жылы ашылған. Барлау жұмыстары 1932–1952 жылдары жүргізіліп, 1934 жылдан мұнай өндіріледі

Тектоникалық тұрғыдан кен орны тұз күмбезді құрылымдармен ұштасқан. Өнімді қабаттары үш мұнайлы горизонтқа бөлінген: апт (тереңдігі 146 – 576 метр), неоком (160 метр) және пермь-триас (255 – 517 метр). Мұнайлы қабаттардың қалыңдығы 3,94-21,6 метр. Коллекторлардың ашық кеуектілігі 23 – 30%. Мұнайдың алғашқы тәуліктік шығымы 1,4 – 296,3 м³.

Тығыздығы 0,793 – 0,924 г/см3, күкірті (0,06 – 0,36%) мен парафині (0,4 – 1,01%) аз. Ілеспе газдың құрамы: метан (59,6 – 75,6%), этан (6,7 – 13,6%), т.б. Қабаттардағы су хлоркальцилі, оның минералдығы 234,6 – 320,1 г/л. Кен орны өндірістік игерілуде.^[1]