Сарыайдар үйрек

Сарыайдар үйрек
Anas penelope
Амандық күйі
Least Concern (IUCN3.1) [1]
Ғылыми топтастыруы
Дүниесі: Жануарлар Жамағаты: Chordata Табы: Aves Сабы: Қазтәрізділер Тұқымдасы: Anatidae Кіші тұқымдасы: Anatinae Тегі: Өзен үйректері Кіші тегі: Mareca Түрі: A. penelope
Екі-есімді атауы
Anas penelope Linnaeus, 1758

Сарыайдар үйрек (лат. Anas penelope) – лат. Anatidae тұқымдасына жататын Өзен үйректерінің суда жүзетін үйрегі.

Мойны біршама қысқа және басы онша үлкен емес, орташа денелі (0.5 -1 кг) үйрек. Аталығы күйттік жасану кезінде өте әдемі. Оның маңдайы және төбесі – бозғылт қызыл қошқыл, бастың қалған бөлігі және мойны – қызғылтсары қоңыр. Жемсауы және төсінің бір бөлігі – қызғылт сұр, бауыры – ақ, қалған жабын қауырсындары - сұрғылт. Көзтартары - металөңдес жасыл, ал денені жабатын қанатта үлкен ақ теңбіл бар, оны ұшып жүргенде алыстан көруге болады. Аналығы – қарапайым реңді. Аталықтары екібуынды, қатты ысқырады, аналықтар құлақ тұндыратын «рерр» деген дыбыс шығарады.

Еуразияның солтүстік бөлігінде, Қазақстанда Жайық және Ертіс өзендерінің аңғарларында өмір сүреді. Алайда жазғы түлеу кезінде – көптеген жерлерде, ал қайтуға ұшқан кезде барлық жерлерде кездеседі. Ұясын жақсы жасырылған жерге салады. Салындыдағы 7 – 10 ақ түсті жұмыртқаларды аналығы 25 күндей босады. Балапандар бір жарым айда қанатына көтеріледі. Көктемде көптеген басқа үйректермен кейінірек – наурыз-сәуірде пайда болады, күзде қыркүйек қазанда ұшып кетеді.

Сарыайдар үйрек аң аулау нысаны ретінде өте құнды деп есептеледі

Ортаққорда бұған қатысты медиа файлдар бар: Category:Anas penelope