Қалыңқой

Қалыңқой
Kalanchoe blossfeldiana
Ғылыми топтастыруы
Дүниесі: Өсімдіктер (unranked) Eudicots (unranked) Core eudicots Сабы: Saxifragales Тұқымдасы: жасаңшөптер Тегі: Kalanchoe Adans.
Species
Around 125, see text.
Синонимдері
Bryophyllum

Қалыңқой немесе каланхое (Kalanchoe) – жасаңшөп тұқымдасына жататын көпжылдық, жақсы гүлдейтін шөптесін өсімдік. Өсімдіктің емдік қасиеттеріне байланысты оны халық арасында «дәрігер», «өмір гүлі» деп те атайды. Оның емдік қасиетімен бірге ауа тазарту қасиеті де өте жоғары. Ол ауадағы зиянды микробтарды жоюмен бірге антивирустық пәрмені бар өсімдік. Таралған аймақтары – Оңтүстік Африканың, Оңтүстік Американың тропиктік аудандары, Оңтүстік Шығыс Азия, Қытай мен Ява аралдары. 200-ге жуық түрі белгілі. Ал оның 30-ға жуық түрі мен сұрпы үй жағдайында өсіріліп келеді. Өсімдіктің жапырақтары түріне қарай жалпақ, етті, жиектері ирек болып келеді. Гүлдері қоңырау, себет тәріздес, ұзындығы 30см гүлсабаққа шоғырланған. Дұрыс күтім жасалса, жыл бойы гүлдейді.

Жарық, күн көзі жақсы түсетін жерлерде өседі.

Қыста 12ºС төмен болмауы керек.

Жазда топырағының беткі қабаты құрғаңқырағанда, ал қыста салқын жерде ұстасаңыз, айына бір рет суғарып тұру керек.

Құрғақ ауаға төзімді. Су бүркуді қажет етпейді, дегенмен де жапырақтарын тазарту мақсатында су бүркіп, шаңын жуып тұрған абзал.

Көктем-жаз айларында кірпігүлге арналған тыңайтқышпен айына бір рет қоректендіріп тұру қажет.

Ауруға көп шалдықпайды. Суккулентке жататындықтан, артық суғарғаннан шіріп кету қаупі бар. Зиянкестерден ақ ұнтақ құрты, щитовка, өрмекші кенесі зақым келтіруі мүмкін.

Қалыңқой өте оңай көбейтілетін бөлме гүліне жатады. Жапырақ, қалемше және жанама өскіндері арқылы көбейтіледі.

• Гүлстан, өсімдіктер туралы сайт Мұрағатталған 20 ақпанның 2012 жылы.

"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727