Қызылүй (Атырау облысы)

Ауыл
Қызылүй
Әкімшілігі
Ел	ҚазақстанҚазақстан
Облысы	Атырау
Ауданы	Исатай
Ауылдық округі	Тұщықұдық
Тарихы мен географиясы
Координаттары	47°22′40″ с. е. 50°43′11″ ш. б. / 47.37778° с. е. 50.71972° ш. б. / 47.37778; 50.71972 (G) (O) (Я)Координаттар: 47°22′40″ с. е. 50°43′11″ ш. б. / 47.37778° с. е. 50.71972° ш. б. / 47.37778; 50.71972 (G) (O) (Я)
Уақыт белдеуі	UTC+5:00
Тұрғындары
Тұрғыны	▼244 адам (2021)
Этнохороним	қызылүйлік, қызылүйліктер
Сандық идентификаторлары
Автомобиль коды	06
Қызылүй Қызылүй
Қызылүй шекарасы

 Басқа мағыналар үшін Қызылүй деген бетті қараңыз.

Қызылүй — Атырау облысы, Исатай ауданы, Тұщықұдық ауылдық округі құрамындағы ауыл.

Аудан орталығы - Аққыстау ауылынан солтүстік-батысқа қарай 28 км-дей жерде.

1999 жылы тұрғындар саны 310 адам (167 ер адам және 143 әйел адам) болса, 2009 жылы 347 адамды (183 ер адам және 164 әйел адам) құрады.^[1]

2021 жылғы санақ қорытындысы бойынша 244 адамды (132 ер адам және 112 әйел адам) құрады.^[2]

Қызылүй елді мекенінің іргетасы 1913 жылы қаланған. Патша әкімшілігінің шешімімен қызыл саз балшық тастан бекет (ғимарат) салынған. Сол жылдан бастап осы қоныс Қызыл үй атанып кеткен. Нарын құмында болған колхоздар кезінде оның бөлімшесі, ал 1957 жылы Чапаев атындағы

совхоз құрылған кезінде №2 ферма орталығы болған. 1960 - 1984 жылдар аралығында ферманы басқарған Хатима Дайырова Ленин орденімен марапатталған. Фермадан малбегілер Батан Ыбыраев КСРО Мемлекеттік сыйлығының иегері, Шәріп Сыдықов Қазақстанның еңбек сіңірген ауыл шаруашылығы қызметкері атанып, ондаған шопандар орден-медальдармен марапатталды. ^[3]

Ауылда негізгі мектеп^[4], фельдшерлік пункт, клуб, кітапхана қызмет жасайды.^[5]

• Қызылүй негізгі мектебі — 1986-87 оқу жылында малшы-шопан балалары жатып оқитын интернатымен қоса Қызылүй бастауыш мектебі болып ашылған. 1990-1991 жылдан бастап негізгі мектепке айналдырылды. 2019 жылы 80 орындық екі қабатты мектеп үйі пайдалануға берілді.^[6]