Өлкейек
| Өлкейек өзені | |
|---|---|
| Сипаттамасы | |
| Ұзындығы | 349 км |
| Су алабының ауданы |
3 600 км² |
| Су ағысы | |
| Бастауы | Жантай мен Толыбай өзендерінің қосылған жері |
| • Координаттары | 50°31′18″N 62°18′56″E / 50.52167°N 62.31556°E |
| Сағасы | Қызылкөл |
| • Координаттары | 48°54′41″N 62°00′26″E / 48.91139°N 62.00722°E |
| Орналасуы | |
| Ел | Қазақстан |
| Аймақ | Ақтөбе облысы, Қостанай облысы |
Өлкейек – Ақтөбе облысының Ырғыз, Қостанай облысының Жангелді аудандары жеріндегі өзен. Ұзындығы 349 км, су жиналатын алқабы 3600 км2.
Бастауы
Өлкейек Толыбай сағасынан шығыста 3 км жерде. Жантай мен Толыбай өзендерінің қосылған жерінен басталып, Балапан сағасынан оңтүстікте 15 км жерде Қызылкөлге құяды.
Гидрологиясы
Жоғарғы ағысында белесті жазықпен ағады, аңғары 1 км-ден 3,5 км-ге жетеді. Жайылмасы екі жағында 0,6-2 км. Арнасы 20-30 м, бұл бөлігінде су жазда қара суларға бөлініп қалады. Қабырға өзені сағасынан төмен Өлкейек аңғары жайпақталып 7-8 км-ге ұлғаяды. Үлкенді-кішілі қарасулар (ең ұз. 9,8 км, ені 50—60 м, тереңдігі 7 м) кездеседі. Суы тұщы, жазда кермектенеді. Жылдық орташа су шығыны сағасы тұсында 1,60 м3/сек.[1]
Дереккөздер
- ↑ Қазақ Совет энциклопедиясы / Бас редакторы М.Қ.Қаратаев - Алматы, 1976, 9 том