Qazaqstan (телеарна)

«Qazaqstan»
Ұлттық телеарнасы
	«Qazaqstan» ; Ұлттық телеарнасы
	; «Qazaqstan» Ұлттық телеарнасының 2017 жылғы 28 тамыздағы жаңа логотипі
Ел	Қазақстан
Хабар тарату аумағы	Қазақстан; Қытай; Қырғызстан; Ресей; Өзбекстан; Моңғолия; Түрікменстан
Хабар тарату уақыты	тәулік бойы
Хабар тарату тілдері	қазақша
Басқару орталығы	Астана, Қонаев к-сі, 4, Қазмедиа орталығы ; Алматы, Желтоқсан к-сі, 175 (Алматы қаласындағы филиал)
Бейне форматы	HD 16:9
Арнаның тақырыптамалары	әмбебап
Хабар таратуын бастады	8 наурыз 1958 жыл
Иесі	«Қазақстан» РТРК» АҚ
Директоры	Болат Мүрсәлім
Бұрынғы атаулары	Қазақ теледидары (1958-1992); Қазақстан-1 (1992-2000); «Қазақстан-1» Ұлттық телеарнасы (2000-2002); «Қазақстан» Ұлттық телеарнасы (2002-2017);
Туыстас арналар	Qazaqstan International ; Balapan ; Qazsport ; Abai TV
Сайт	qazaqstan.tv
Қолжетімділік
Эфир
Қазақстан
Спутник
ҚазСат-3	1
OTAU TV
Кабелдік
Алма-ТВ	4
Digital TV	3
ICON

Басқа мағыналар үшін Қазақстан (айрық) деген бетті қараңыз.

«Qazaqstan» Ұлттық телеарнасы — Қазақстанның басты телеарналарының бірі. 1958 жылы негізі қаланған. «Қазақстан» Республикалық телерадиокорпорациясы» АҚ құрамына кіреді. 2011 жылғы 1 қыркүйектен бері тек қазақ тілінде хабар таратады. Телеарнаның 14 аймақтық филиалы бар.

Тарихы

1958 жылы 8 наурызда Алматы студиясынан алғашқы хабар берілді, желтоқсан айынан күнделікті 5 сағаттық хабар беріле бастады. 1959 жылдың сәуіріне дейін қазақ телевизиясында 333 бағдарлама, 497 кинофильм мен киножурналдар дайындалды. Өткен ғасырдың 70-80 жылдары қазақ телевизиясы түрлі-түсті бейнеге көшті. Трансляцияның ұзақтығы - 7 сағат, қызметкерлер саны - 412-ге жетті. 11 бас редакция, 4 шығармашылық бірлестік жұмыс істеді. Содан бері телеарнаның техникалық әлеуеті жыл сайын ұлғайып, 1987 жылы телетаратылым бойынша одақтас республикалар арасында төртінші, көркем және деректі фильмдер өндірісі бойынша екінші орынды иеленді. Ал 1994 жылы 4 сәуірде ҚР Президентінің Жарлығымен «Қазақстан» теледидары мен радиосы» республикалық корпорациясы болып құрылды. 2002 жылдан бастап «Қазақстан» Ұлттық телеарнасы деп аталды.^[4]

Бүгінгі таңда телеарнаның техникалық әлеуеті республика аумағының 100 пайызына жуық, көршілес Ресей Федерациясы, Қырғызстан, Өзбекстан, Түрікменстан, Моңғолия және Шыңжаң-Ұйғыр автономиялы ауданы өңірлеріне хабар таратуға мүмкіндік беріп отыр. Сондай-ақ заманауи телетаратылымның барлық талаптарына сай.

Қазіргі таңда Мемлекет басшысының қатысуымен өтетін салтанатты жиындар, телекөпірлер, спорт түрлерінің ең маңызды матчтары Ұлттық телеарнаның техникалық қолдауы арқылы өткізіледі.

Бүгінгі таңда Ұлттық арна эфирінде әртүрлі жастағы көрермендерге арналған жаңалықтар мен ерекше ток-шоу жанрлары, ойын-сауық және танымдық бағдарламалар, қоғамдық-саяси, экономикалық хабарлар, сондай-ақ, мемлекеттік тілді дамытуға негізделген жобалар көп.

Логотиптері

Телеарна өз логотипін тарихында бірнеше мәрте өзгертті.

1990 жылдары киіз үйге ұқсас пішіндегі контурдың ішінде "1" саны бар логотип болды. Арнаның атауы ол кезде "Қазақстан-1" деп аталған еді, себебі "Қазақстан-2" деген арна да бар болатын. Екі телеарнаның логотипі оң жақ жоғарғы бұрышта орналасты.
2002-2003 жылдары логотипте жан-жаққа шапағы тарайтын күннің жартысы бейнеленді, оның сол жақ жартысында елдің контуры көрсетілген глобус болды. Астында "Қазақстан" деген сөз жазулы тұрды.
2006 жылдың 3 қыркүйегіне дейін арнаның логотипінде ежелгі түркі дәуіріне тән қолына ту ұстаған салт атты адам петроглифі бейнеленді, астыңғы жағында Күлтегін жазуларына ұқсас жазумен "Қазақстан" деген атау жазылып тұрды. Эфир кезінде оң жақ жоғарғы бұрышта "Қазақстан" деген жазу ғана болды.
2006 жылдың 4 қыркүйегінен 2012 жылдың 23 желтоқсанына дейін ұлттық нақыштағы қошқар мүйіз оюы бар көк-сары түсті шеңберлі логотип болды. Астыңғы жағында "Қазақстан" жазуы болды.
2012 жылдың 24 желтоқсанынан 2014 жылдың 29 маусымына дейінгі логотип алдыңғы логотипке ұқсас болды, мұнда тек шеңбердің сыртында сақинасы болды.
2014 жылдың 30 маусымынан 2015 жылдың 4 қыркүйегіне дейін мемлекеттік туға ұқсас ішінде "Қазақстан" деген жазуы бар көк-сары түсті жолақ бейнеленді.
2015 жылдың 5 қыркүйегінен 2017 жылдың 27 тамызына дейін алдыңғы логотипке ұқсас көгілдір-сары жолақ болды. Бұл логотип әр 10 секунд сайын жылтырап тұрды.
2017 жылы 28 тамызда медиақұрылымның атауы латын қарпіне көшірілді. Жаңа логотипте сол жағында "QAZAQSTAN" деген жазуы бар екі жағы жұмырланған көгілдір-сары шаршы бейнеленген. Корпорацияның өңірлердегі отаулары да өзгеріссіз қалмады. Филиалдар төл, тарихи жер атауларымен аталды. Сонымен қатар кей облыстық телеарналар қазақша атауларға алмастырылды. Мысалы, Қазақстан-Петропавл – «QYZYLJAR», Қазақстан-Павлодар – «ERTIS» және Қазақстан-Орал – «AQJAIYQ», Қазақстан-Өскемен – «ALTAI» болып өзгертілді.

«Қазақстан-1» телеарнасының 1990 жылдардағы логотипі.
«Қазақстан» Ұлттық телеарнасының 2002-2003 жылдардағы логотипі.
«Қазақстан» Ұлттық телеарнасының 2003-2006 жылдардағы логотипі.
«Қазақстан» Ұлттық телеарнасының 2006-2012 жылдардағы логотипі.
«Қазақстан» Ұлттық телеарнасының 2012-2014 жылдардағы логотипі.
«Қазақстан» Ұлттық телеарнасының 2014-2015 жылдардағы логотипі.
«Қазақстан» Ұлттық телеарнасының 2015-2017 жылдардағы логотипі.
«Qazaqstan» Ұлттық телеарнасының 2017 жылғы жаңа логотипі.

«Қазақстан» ҰТА жүргізушілері

Альбина Әшім (Ақпарат бағдарламасы)
Шерхан Жамбылұлы (Ақпарат бағдарламасы)
Ләйлә Дулатқызы (Ақпарат бағдарламасы)
Армангүл Тоқтамұрат (Ақпарат бағдарламасы)
Дархан Рахымжан (Ақпарат бағдарламасы)
Қаракөз Тұрмағанбет (Ақпарат бағдарламасы)
Ерқанат Көпжасарұлы (Ашық алаң бағдарламасы)
Назым Жанғазы (Ашық алаң бағдарламасы)
Жайна Сламбек (Апта бағдарламасы)
Ақерке Бектас (Ақорда бағдарламасы)
Мөлдір Әбдірайым (Таңшолпан бағдарламасы)
Алла Гаврина (Таңшолпан бағдарламасы)
Бексұлтан Әкімжан (Таңшолпан бағдарламасы)
Әйгерім Сейфолла (1001 түн бағдарламасы)
Ғалымжан Кеңшілік (1001 түн бағдарламасы)
Әйгерім Есенәлі (Тату-тәтті жобасы)
Дархан Әбдік (Парасат майданы бағдарламасы)
Гүлжазира Берікқызы (Теледәрігер бағдарламасы)
Болат Мүрсәлім (Технократтар талқысы бағдарламасы)
Нұрбек Матжани (Әлем және біз бағдарламасы)
Ерке Мұса (Ақсауыт бағдарламасы)^[5]

Бағдарламалар

«Таңшолпан» таңғы ақпаратты-сазды бағдарламасы
«Ақпарат» жаңалықтар қызметі
«Апта» сараптамалық бағдарламасы
«Ашық алаң» қоғамдық-саяси ток-шоуы
Ақорда
Әлем және біз
«1001 түн» қоғамдық бағдарламасы
«Тату-тәтті» реалити жобасы
Теледәрігер
Парасат майданы
Технократтар талқысы
Ақсауыт^[6]

Үздік бағдарламалар

Екі жұлдыз

Толық мақаласы: Екі жұлдыз

«Екі жұлдыз» – «Қазақстан» ұлттық телеарнасында көрсетілген 2007-2011 жылдары көрсетілген шоу бағдарлама. Жобаның мақсаты алуан түрлі салада белгілі болған тұлғаларға ән айтқызу. Жоба жарыс түрінде жүрді, әр жұптың бір мүшесі кәсіби әнші болуы міндетті.

Қазақтың 100 әні

Толық мақаласы: Қазақтың 100 әні

«Қазақтың 100 әні» жобасы – еліміздің ән мұрасын бір жүйеге келтіру мақсатында қолға алынып отырған соңғы онжылдықтағы алғашқы ауқымды талпыныс. Ол бірнеше кезеңнен тұрады.

«Qazaqstan дауысы»

Толық мақаласы: Қазақстан Дауысы

«Qazaqstan дауысы» – 2013 жылдан бері «Qazaqstan» телеарнасында көрсетілетін халықаралық «The Voice» телешоуының қазақстандық нұсқасы. Жобаның басты ерекшелігі – қатысушылар вокалдық қабілеттеріне қарай таңдалады. Төрт тәлімгер өз шәкірттерін таңдап, оларды жеңіске жетелеу үшін барын салады, өз тәжірибелерімен бөліседі.

«Айтуға оңай...»

«Айтуға оңай...» ток-шоуы – көпшіліктің көңілінен шыққан Ұлттық арнаның әлеуметтік-тұрмыстық ток-шоуының бірі. Тележоба 2012-2017 жылдар аралығында эфирге шықты, кейін 2017-2019 жылдары «Qareket» деп аталды. Бағдарламаны танымал журналист Бейсен Құранбек жүргізді.

«Түнгі студия»

«Түнгі студия» («Túngi studio») – «Qazaqstan» телеарнасында 2014-2019 жылдары шыққан танымал тележобаларының бірі. Бағдарлама жүргізушісі – қазақстандық продюсер, тележүргізуші Нұрлан Қоянбаев (кейін актер Қайрат Әділгерей) болды.

Бүкіл әлемде кешкілік шоу бағдарламалар үлкен танымалдыққа ие. Олар телеарналарда үлкен рейтингтер беріп жатыр. АҚШ-тың Late Night Show жобасы, Ұлыбританиялық The Graham Norton Show жобасы және Ресейдің Вечерний Ургант жобасы әлем назарын аударған жобалар қатарында. «Түнгі студия» да осы бағдарламалар желісінде эфирге шықты. Бағдарламада арнайы қонақ шақырылып, олармен еркін тақырыпта әзіл-қалжыңға толы әңгіме өрбиді.

«Егіз лебіз»

«Егіз лебіз» – 2020 жылдан бері шығып келе жатқан музыкалық жоба. Телешоуда кәсіби вокалистер мен өзге саланың өкілдері бірге ән айтып, жұп болып жарысады. Барлық музыкалық шығарылым жанды дауыспен орындалады. Әр кезең сайын қазылардың ұпайы мен көрермен берген дауыс қосындысы бойынша аз көрсеткіш алған бір жұп жобадан шығады. Финалда 3 жұп бақ сынайды.

Дереккөздер

↑ http://old2.kaztrk.kz/kaz/telekanal/o-telekanale/#go 2012 жылдың 24 желтоқсанында Астана қаласындағы «Қазмедиа орталығынан» хабар тарата бастады. HD форматқа толықтай көшкен телеарна медиа кеңістіктегі әлеуетін жыл сайын ұлғайтуда.
↑ http://www.almatv.kz/almaty/services/digitaltv/channels/
↑ http://www.dtv.kz/ru/home/tv/list/
↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
↑ ”Qazaqstan" телеарнасының жүргізушілері
↑ Бағдарламалар кестесі

[1] ttp://old2.kaztrk.kz/kaz/telekanal/o-telekanale/#go 2012 жылдың 24 желтоқсанында Астана қаласындағы «Қазмедиа орталығынан» хабар тарата бастады. HD форматқа толықтай көшкен телеарна медиа кеңістіктегі әлеуетін жыл сайын ұлғайтуда.

[2] ttp://www.almatv.kz/almaty/services/digitaltv/channels/

[3] ttp://www.dtv.kz/ru/home/tv/list/

[4] Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8

[5] ”Qazaqstan" телеарнасының жүргізушілері

[6] Бағдарламалар кестесі

[1]

[2]

[3]

[4]

[5]

[6]