Issittup amarua
Issittup amarua (Canis lupus arctos) amaqqut ilagisaraat. Amaroq nalinginnaq assipaluttorujussuuaa, taamaallaalli qaqorujuttunik meqqoqarpoq, siunera naannerumaarluni siutaalu mikinerullutik. Issittup amarua pangalilluni qasugallartussaanngilaq, aammalu pissillaqqillunilu nallorissuuvoq.
Issittup amarua 16-inik ukioqalersinnaavoq. Angiissutsimigut qimmeq schæferi angisooq missiliorpaa, taavalu 25-55 kiilunik oqimaassuseqartarluni.
Amaqqut tusaamanerlugaasarput, siornatigullu assut amerlasuut ersigalugit toqunneqartarsimallutik. Soorluli inuit amaqqut ersigisaraat, aamma amaqqut inunnut nujuartorujussuupput naak inuit isumaqarnerattut navianartiginngikkaluarlutik. Ullumikkut Kalaallit Nunaanni amaqqut amiakkui ikittuinnaapput.
 |
Wikimedia Commons assinik nipinilluunniit peqarpoq, uunga tunngasunik: |
Una allaaserisaq aallarniutaannaavoq. Wikipedia ikiorsinnaavat nangikkukku.