Тапажос

Тапажос – Бразилиядагы дарыя, Амазонканын оң куймасы. узундугу (Журуэна дарыясынын башатынан тартып) 2200 км, алабынын аянты 487 миң км². Журуэна менен Телис-Пирис (Сан-Мануэл) дарыясынын кошулушунан пайда болуп, Бразилия тайпак тоосу жана Амазонка ойдуңу аркылуу агат. Босоголуу. Жаан суусунан куралат. Орточо чыгымы 15,5 миң м³/сек. Ири куймасы Жаманшин. Кеме жүрөт. Чатында Сантарен порту жайгашкан. Боюнда Амазония улуттук паркы уюштурулган.

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9