1989

1989 (бир миң тогуз жүз сексен тогузунчу) жыл — толук эмес жыл, григориан календары боюнча жекшембиде башталат. Бул жыл биздин замандын 1989, 2-миңжылдыктын 989, XX кылымдын 89-жылы болуп эсептелинет. Бул жылы бир нече революциялар болуп, СССРдин доору бүткөндүгү жана АКШнын "Кансыз согуштун" бүткөндөн кийин дүйнөлүк аренада биринчиликке чыкканы менен тарыхта калган. Бул жылы, 23-сентябрда Кыргыз ССРнин Жогорку Кеңеши «Мамлекеттик тил тууралуу» мыйзам кабыл алган.

• 20-январда - АКШнын 41-президенти Джордж Буш (улуусу) кызматка келген.^[1]

• 18-февралда — Афганистандын президенти Наджибулла өлкөгө өзгөчө кырдаал киргизген.^[2]

• 17-мартта — Павияда (Италия) XIV кылымда курулган мунара ураган, 4 киши каза болгон.

• 18-апрелде — СССРдин таркашы: Литва ССРнин Жогорку Кеңеши республиканын мамлекеттик суверенитетин жарыялаган.^[3]

• 28-майда — Армян ССРинде митингдер өтүп, СССРдин курамынан бөлүнүп чыккан. ^[4]

• 17-июнда — Казак ССРнин Новый Узень шаарында жергиликтүү калк менен Кавказ өлкөлөрүнөн чыккан адамдар ортосунда улут аралык жаңжал чыгып, жыйынтыгында 4 киши каза болгон. 22-июнь күнү Казакстандын КП БК биринчи катчысы болуп В. Колбиндин ордуна Нурсултан Назарбаев дайындалган. ^[5]

• 22-июлда - тажик тили Тажик ССРнин мамлекеттик тили болгон.^[6]

• 24-августта — Вояджер-2 Нептун планетасына жана анын спутниги Тритонго эң жакын аралыкка чейин барган. ^[7]

• 23-сентябрда - Кыргыз ССР Жогорку Кеңеши «Мамлекеттик тил тууралуу» мыйзам кабыл алган. Бул күнү "Кыргыз тилинин майрамы" деп белгиленип келет.

• 5 октябрда — Азербайжан ССРнин Жогорку Кеңеши өлкөнүн мамлекеттик суверинетин жарыялаган.

• 8 ноябрда — Иорданияда 1967-жылдан бери алгачкы жолу парламенттик шайлоолор өткөн.

• 31 декабрда — СССР. Нахичеван шаарында массалык башаламандык болгон, совет-иран чек арасынын жүздөн ашык чакырымга чейин жабдуулары талкаланган. ^[8]

• 1988
• 1990
• 1991