Crispianus Passaeus

Thomae Scott effigies (1624)
Wikidata Crispianus Passaeus
Res apud Vicidata repertae:
Crispianus Passaeus: imago
Crispianus Passaeus: imago
Nativitas: 1564, 1564; Arnemuiden
Obitus: 6 Martii 1637; Traiectum ad Rhenum
Patria: Res Publica Coniunctarum Provinciarum

Familia

Proles: Crispinus van de Passe II, Simon Passaeus, Wilhelmus Passaeus, Magdalena Passaea
Familia: Q62122126

Crispianus Passaeus (vulgo: Crispijn van de Passe; ad Arnemuiden anno 1564 natus; Traiecti ad Rhenum die 6 Martii anno 1637 mortuus) saeculi aurei chalcographus, pictor ac delineationi peritus artifex Nederlandicus fuit.

Biographia

Simonis, Wilhelmi, Magdalenae e Crispini pater et Crispini III avus[1], probabiliter Theodorici Coornhert discipulus fuit[2][3]. Antverpiae laboravit de 1580 usque ad 1588[1], ubi, anno 1585, Sancti Lucae Societatis comes, qualis magister chalcographus, factus est[2][3]. Postea, ob Antverpiae occupationem Hispanica[4] et Anabaptistarum religionem suam[5], Aquisgrani de 1588 usque ad 1589, Coloniae Agrippinae de 1589 usque ad 1611[1], ubi eius domum editoriam condidit[4] et Magd. Bock in matrimonium duxit[3], Lutetiae ac Francofurti ad Moenum[2] et denique Traiecti ad Rhenum de 1611 usque ad 1637 laboravit[1]. In hac urbe, anno 1613 civitate adepta[3], continuavit laborare prospere, qualis libri editor ac chalcographus, filii et Arnoldus Buchelius adiuvantes[4]. Anno 1636 viduam Sebastiaengen Herdrikdr. van Asch in matrimonium duxit[3]. Eius filii negotium extenderunt locis peregrinis quoque: Lutetiae, Londinii (Hans Woutneel adiuvans[5]) et Hafniae[4]. Crispiano mortuo, annis insequentis filii mortem obierunt excepto Crispino, qui, Amstelodamum migrato, familiae negotium prosecutus est etiamsi minus prospere[4].

Crispianus praecipue nobilium Europaeorum[5] effigies[1], Ioannis vel Hieronymi Wierix modo[2], sed etiam argumentorum religiosorum, figuratorum et de mytho imagines, ac libros perfecit[5]. Ob eius rationem, Harlemi scholae sectator putari potest[2]. Eius opera Petrum Adamsen adduxerunt[1].

Cum litteris CVP et PCV, nexilibus quoque, eius opera obsignabat[1].

Filii Wilhelmus, Magdalena[1] ac Crispinus[2], Ioannes Gelle, Petrus Isselburg[1] et, probabiliter, etiam Cornelius Bloemaert II eius discipuli fuerunt[3].

Opera

  • Thomae Scott effigies, chalcographia, 14,8 x 12,9 cm, 1624, apud Museum Boijmans Van Beuningen, Roterodami
  • Mauritii Hassiae-Cassalae effigies, chalcographia, 1616, apud Hofbibliothek Arolsen[6]
  • Ferdinandi Magellani effigies, chalcographia ex Effigie regum ac principum, 12,7 x 17,78 cm, 1598, apud Beinecke Rare Book and Manuscript Library, Universitatem Yalensem, Novi Porti[7]
  • Elizabethae I effigies, chalcographia ex Isaaco Oliver, 1592-1595[8]
  • Ambrosii Spinola occupationes, chalcographia, 215 × 173 mm, 1606 fere, apud Museum Boijmans Van Beuningen, Roterodami[9]
  • Ambrosii Spinola effigies, chalcographia, 121 × 92 mm, obsignata infra in medio Crispin de pas excu, apud Museum Boijmans Van Beuningen, Roterodami[10]
  • Conspirationis Gunpowder coniurati , chalcographia, 1605, apud Effigiei Pinacothecam Patriam, Londinii[11]

Notae

  1. ↑ 1.0 1.1 1.2 1.3 1.4 1.5 1.6 1.7 1.8 Rijksbureau voor Kunsthistorische Documentatie
  2. ↑ 2.0 2.1 2.2 2.3 2.4 2.5 Dictionnaire de la peinture larousse
  3. ↑ 3.0 3.1 3.2 3.3 3.4 3.5 Nieuw Nederlandsch Biografisch Woordenboek
  4. ↑ 4.0 4.1 4.2 4.3 4.4 The Web Gallery of Art
  5. ↑ 5.0 5.1 5.2 5.3 National Portrait Gallery
  6. ↑ Mauritii Hassiae-Cassalae effigies - Communia
  7. ↑ Ferdinandi Magellani effigies - Communia
  8. ↑ Elizabetha I effigies - Communia
  9. ↑ Ambrosii Spinola occupationes - Communia
  10. ↑ Ambrosii Spinola effigies - Communia
  11. ↑ Conspirationis Gunpowder coniurati - Communia

Bibliographia

Nexus externi

Vicimedia Communia plura habent quae ad Crispianum Passaeum spectant.