Grünau im Almtal

Insigne
Ecclesia paroecialis.
Almsee.

Grünau im Almtal est commune Austriae Superioris (Austria) 2.023 incolarum (01.01.2022).

Geographia

Locus Grünau im Almtal 528 metrorum supra maris aequor in Salzkammergut (Traunviertel) situs est. A septentrionibus in meridiem 18.2 chiliometra, ab occidente in orientem 21.3 chiliometra patet. Omnis communis area est 230 chiliometra quadrata, qua re Grünau maximum Austriae Superioris commune est. 74,5 % areae silvis tecta est. Alm flumen, quod a lacu nomine Almsee in communi meridiano sito originem habet, per locum Grünau fluit et prope Fischlham in Trunam effunditur. Ab Almsee in meridiem versus mons nomine Großer Priel eminet, qui summus est omnium illic montium.

Historia

Cum abbatia Cremifanensis anno 777 condita est, regiones usque ad montes, ubi nunc Grünau est, partes dotationis a duce Tassilone III factae erant. Postea perturbatis temporibus sub dicionem aliorum dominorum ventus locus anno 1625 denuo a monasterio emptus et in numerum paroeciarum monasterii receptus est.

Oeconomia

Reditus communis imprimis e periegesi et silvicultura adfluunt.

Cultura

Visu dignum est altare maius ecclesiae paroecialis, quod saeculo 17 exeunte ex abbatia Cremifanensi, ubi novum altare collocatum erat, huc translatum est. Statuae superiores ab Ioanne Peisser Norimbergensi, discipulo et successore Viti Stoss, sculptae et anno 1531 perfectae sunt. Simulacra, quae Christum salvatorem cum Sancto Benedicto et Sancto Agapito demonstrant, inter pauca opera grandia aevi renascentiae litterarum ab Alpibus in septentriones versus pertinent.

Bibliographia

Nexus externi

Vicimedia Communia plura habent quae ad Grünau im Almtal spectant.