Paeninsula Kolaensis

Paeninsula Kolaensis cum maribus adiacentibus in tabula geographica e Novo Atlante Guilielmi Blaeu(nl) (anno 1635 edito).

Paeninsula Kolaensis[1] (Russice Кольский полуостров, tr. Kol'skij poluostrov) est paeninsula in septentrio-occidentali Russiae Europaeae parte, ad regionem Murmanicam Foederationis Russicae pertinens. Area huius paeninsulae est circa 100 milia chiliometrorum2. Tundra et silvitundra paeninsulam operiunt.

Tundra paeninsulae Kolaensis.

Situs

A maribus Albo et Barentsii alluitur, quorum aquae a Sancto Naso promunturio divisae sunt. Sinus Kandalakshensis maris Albi paeninsulam Kolaensem a Carelia separat. Paeninsula Piscatorum[2] minor, sinu Varangico a terra continente separata, e litore septentrionali paeninsulae Kolaensis in mare Barentsianum eminet. Linea ficta a sinu Varangico ad sinum Bothnicum producta paeninsulam Kolaensem a paeninsula Scandinavica separare habetur. In litus paeninsulae Kolaensis septentrionale sinus longissimus (vel potius fiordum) Kolaensis incisus est, in quem Kola Tulomaque, maxima paeninsulae flumina, effunduntur.

Chibinenses montes.

Geographia

Chibinenses montes in parte paeninsulae occidentali et montes Tundrae Lovosericae in parte media siti sunt.

Insularum prope paeninsulam Kolaensem sitarum maxima est Kildinum; ceterae Ternae Insulae, Sausnavitsa multaeque aliae sunt.

Fluminum paeninsulae Kola, Niva, Ombaia, Pečenga, Pirenga, Polongis, Tuloma, Varsiga, Voronja[3] nominandae sunt.

Imandra, Lovosero[4], Umbosero, Seidosero sunt lacus maximi.

Maris Barentsiani sinus Teribercensis, quod litus paeninsulae boreale alluit.

Loci habitati

Maxima paeninsulae urbs est Romana ad Murmanum, incolarum anno 2013 circiter 302 milia habens. Kola est antiqua paeninsulae urbs, de qua et nomen habet. Varsiga olim maximus paeninsulae vicus fuit; Ombaia est vicus antiquus eiusdem litoris. Foramen Kolaense altius prope Nichelium coloniam urbanam situm est.

Aurigarii tabula

Aurigarii periplus

Lucas Aurigarius[5] sic litora paeninsulae Kolaensis dimetitur:

  • litus maris Albi Kandalakshense:
  • litus maris Albi Terense:
    • Varsiga, in Caroam, ad Vulturnum — mil. 8
    • Caroa, in Carsuicum, ad Orientem — mil. 5
    • Carsuico, in Polongim, ad Caeciam — mil. 5
    • Polongi, in Sausnavitsam(ru), ad Hypocaeciam — mil. 6
    • Sausnavitsa, in Ternas Insulas, ad Aquilonem — mil. 10
    • Ternis insulis, in Orlogonos[6], ad Caeciam — mil. 4
    • Orlogonis, in Suetonos, ad Hypocaeciam — mil. 12
  • litus maris Barentsiani:
    • Suetonis in Septem insulas, ad Notapeliotem — mil. 18
    • Septem insulis, in Kildinum, ad Notapeliotem — mil. 24
    • Kildino, in Lauwes, ad Hypocaeciam — mil. 8
    • Lauwes, in Osterhaviam, ad Notapeliotem — mil. 10
    • Osterhavia, in Warhusam, ad Hypocaeciam — mil.10
    • Warhusa, in Matcorvum[7], ad Borrholibycum — mil. 10
    • Matcorvo, in Nortkinum(no), ad Corum — mil. 12
    • Nortkino, in Capam Boream, ad Ortum et Occasum — mil. 10

Notae

  1. ↑ "Peninsula Kolaensis" (Flora of Russia, vol. 8, pp. 419-491); "на севере Кольского полуострова ad septentriones paeninsulae Kolaеnsis" (Lexicon Russico-Latinum).
  2. ↑ Acta Societatis pro fauna et flora Fennica, vol. 41-42, 1919, pp. 391, 199, 465.
  3. ↑ Nicolai Isaaci Fellman(fi) Plantae vasculares in Lapponia orientali sponte nascentes, Helsingiae 1882, p. 84.
  4. ↑ Norae Zabinkovae et Moysis Kirpicznikov Nomina physico-geographica principalia URSS s.v. Ловозеро.
  5. ↑ Speculum nauticum super navigatione maris occidentalis, Lugduni Batavorum 1586, p. 24—25.
  6. ↑ Orlov nos?
  7. ↑ Paeninsula Piscatorum, quae et Motka?

Nexus externi

Vicimedia Communia plura habent quae ad paeninsulam Kolaensem spectant.
Situs geographici et historici: Locus: 68°0′0″N 36°0′0″E • OpenStreetMap • GeoNames • Store norske Lexikon