Permia

Res apud Vicidata repertae:

Civitas: Russia
Locus: 58°0′50″N 56°14′56″E
Numerus incolarum: 1 048 005
Zona horaria: UTC+05:00
Situs interretialis
Nomen officiale: Пермь

Gestio

Praefectus: Dmitry Samoylov
Consilium: City Duma
Procuratio superior: Territorium Permicum

Geographia

Superficies: 799.68±0.01 chiliometrum quadratum
Regiones urbanae: Dzerzhinsky City District, Industrialny City District, Kirovsky City District, Leninsky City District, Motovilikhinsky City District, Ordzhonikidzevsky City District, Sverdlovsky City District, Novye Lyady
Territoria finitima: Permsky District, Krasnokamsky district, Dobryansky District

Coniunctiones urbium

Urbes gemellae: Ludovicopolis, Oxonia, Thuiscoburgum, Amnéville, Agrigentum, Qingdao, Regalis Mons

Vide etiam paginam discretivam: Permia (discretiva)

Permia,^[1] vulgo Perm^[2] (Russice Пермь, tr. Perm’), est urbs in Russia, in oriente Russiae Europaeae prope Urales ad Camam fluvium sita, metropolis territorii Permiensis (Russice Пермский край, tr. Permskij kraj). Plus quam 1 026 milia incolarum habet (anno 2014). Urbs est magni valoris sedes industriae, vecturae, scientiae, et culturae. "Permia" etiam est nomen terrae.

Historia

Verbum "Permia" possibile originem suam ex una linguarum Finno-Ugricarum ducit et initio pro denotatione terrae utebatur. Territorium amplum in fluxu superiori fluminis Camae, ad fontes amnis illius in occidente, ad fluxus superiorem fluvii Petschorae in septentrione, ad montes Uralicos in oriente et ad flumen nomine Tschusova in meridie pertinens, saeculis a XIV usque ad XVII "Permia Maior" vocatur. Eodem nomine nonnumquam vocabatur et oppidum Tserdinum, quod illo tempore erat metropolis regionis illius. Sigismundus Herberstein de terra et urbe illis scripsit: "Permia magna & ampla provincia, a Moscovuia ducentis quinquaginta (seu, ut quidam volunt, trecentis) miliaribus recta inter Orientem & Septentrionem distat. Civitatem eiusdem nominis ad Vischora fluvium habet, qui decem miliaribus infra Kamam influit" ^[3].

Urbs Permia nostri temporis condita est anno 1723. Quo anno prope influxus in Camam fluminis, Jagošicha (Ягошиха) seu nunc Jegošicha (Егошиха) dicitur, loco pagi eodem nomine (initio saeculi XVII conditi), constructa est officina metallurgica cum oppidulo, quod anno 1781 factum est urbs metropolisque provinciae et vocatum est "Permia". Ab anno 1796 Permia urbs fuit caput gubernii. Facta est portus et centrum commercii industriaeque. Annis 1940–1957 urbs illa Molotov (in honorem Venceslai Molotov) nominabatur.