Theologia prosperitatis

Theologia prosperitatis[1] est doctrina nonnullarum sectarum Christianarum in qua divitiae dicuntur benedictio Dei, et fides, sermones positivi, ac dona ministeriis Christianis data opes proprias augere. Biblia theologi prosperitatis modo novo interpretantur, saepe in Prophetia Malachiae nitentes, et in eis pactum inter deum Christianum et homines vident, dicentes, si homines fidem Deo habeant, illum promissa salutis prosperitatisque effecturum esse; confessionem horum promissorum esse actum fidei, quem Deus honoret.

Magni momenti in theologia est incrementum potestatis personalis (personal empowerment), Deo populum suum laetum esse volente. Expiatio peccatorum, seu reconciliatio cum Deo, comprehendere putatur levamentum aegritudinis et paupertatis, maledictionum fide frangendarum. Quae expiatio donis pecuniae, imaginatio prosperitatis (visualization), ac confessione positiva perficiatur et vocabulis pactorum et legum mechanicarum doceatur.

Eminere coepit in Civitatibus Foederatis inter renovationes sanationis (Healing Revival) annorum 1950, quamquam scriptores origines eius cum motu Cogitationis Novae coniunxerunt, qui saeculo undevicensimo incohatus est. Doctrina prosperitatis postea magna erat pars motús Verbi Fidei et televangelismi annorum 1980. Annis 1990 et 2000 a nonnullis ducibus motús charismatici adoptata, a missionariis Christianis per orbem adiuta, aliquando in ingentibus ecclesiis (megachurches) promota est. Duces notissimi sunt E. W. Kenyon, Oral Roberts, T. D. Jakes, A. A. Allen, Robertus Tilton, T. L. Osborn, Ioel Osteen, Creflo Dollar, Kennethus Copeland, Kennethus Hagin, ac Fredericus J. Eikerenkoetter II ("Reverendus Ike").

Ecclesiae in quibus evangelium prosperitatis docetur saepe denominatione carent et ab uno solo pastore administrantur, etsi aliqui consociationes condiderunt plurium ecclesiarum, denominationibus similes. In talis eccleiis non breve tempus datur ad dona a grege petenda et ad sermonem positivum fidemque hortanda. Saepe prudentia aeraria quoque docetur, quam autem doctrinam aliqui scriptores diurnarii et academici deviam appellaverunt.

Plures duces pentecostales et charismatici, inter alios, theologiam prosperitatis reprehenditur, dicentes eam imprudentiae et idololatriae locum dare et sanctae scripturae contrariam esse. Aliqui reprehensores arguunt imperiosas per eam creari societates, in quibus duces vitas assectatorum regant. Doctrina in Corea Meridiana pervulgata est, fortasse propter similitudinem cum samanismo Coreano (mugyo). In Civitatibus Foederatis plerique assectatores ex classibus mediis et humilibus veniunt, ubi doctrina cum cultibus cargo, religionibus Africanis, ac theologia liberationis coniuncta est.

Notae

  1. ↑ Appellatio ab Anglico prosperity theology conversa. Aliter evangelium prosperitatis (prosperity gospel), evangelium sanitatis et divitiarum (health and wealth gospel), vel evangelium successús (gospel of success)

Bibliographia

  • General Council of the Assemblies of God (1980). The Believer and Positive Confession. Assemblies of God 
  • Balmer, Randall Herbert (2002). Encyclopedia of Evangelicalism. Westminster John Knox Press. ISBN 978-0-664-22409-7 
  • Billingsley, Scott (2008). It's a New Day: Race and Gender in the Modern Charismatic Movement. University of Alabama Press. ISBN 978-0-8173-1606-8 
  • Brown, Candy Gunther (2011). Global Pentecostal and Charismatic Healing. Oxford University Press. ISBN 978-0-19-539341-5 
  • Ciampa, Roy E.; Rosner, Brian S. (2010). The First Letter to the Corinthians. William B. Eerdmans Publishing Company. ISBN 978-0-8028-3732-5 
  • Clifton, Shane (2009). Pentecostal Churches in Transition: Analysing the Developing Ecclesiology of the Assemblies of God in Australia. Global Pentecostal and Charismatic Studies. 3. Brill Academic Publishers. ISBN 978-90-04-17526-6 
  • Coleman, Simon (2000). The Globalisation of Charismatic Christianity: Spreading the Gospel of Prosperity. Cambridge University Press. ISBN 978-0-521-66072-3 
  • Elisha, Omri (2011). Moral Ambition: Mobilization and Social Outreach in Evangelical Megachurches. University of California Press. ISBN 978-0-520-26751-0 
  • Harrell, David Edwin (1975). All Things are Possible: the Healing & Charismatic Revivals in Modern America. Indiana University Press. ISBN 978-0-253-10090-0 
  • Harris, Marvin (1981). America Now: the Anthropology of a Changing Culture. Simon and Schuster. ISBN 978-0-671-43148-8 
  • Hughes, R. Kent (1989). Mark: Jesus, Servant and Savior. 2. Crossway Books. ISBN 978-0-89107-537-0 
  • Hunt, Stephen (2000). "'Winning Ways': Globalisation and the Impact of the Health and Wealth Gospel". Journal of Contemporary Religion 15 (3): 332 
  • Hwa, Yung (1997). Mangoes or bananas?: the Quest for an Authentic Asian Christian Theology. Regnum International. ISBN 978-1-870345-25-5 
  • Jenkins, Philip (2006). The new Faces of Christianity: Believing the Bible in the Global South. Oxford University Press. ISBN 978-0-19-530065-9 
  • Jenkins, Philip (2011). The Next Christendom: The Coming of Global Christianity. Oxford University Press. ISBN 978-0-19-976746-5 
  • Jones, David; Woodbridge, Russell (2011). Health, Wealth & Happiness: Has the Prosperity Gospel Overshadowed the Gospel of Christ?. Kregel Publications. ISBN 978-0-8254-2930-9 
  • Klassen, Michael J. (2009). Strange Fire, Holy Fire: Exploring the Highs and Lows of Your Charismatic Experience. Baker Publishing Group. ISBN 978-0-7642-0549-1 
  • Lindberg, Carter (2010). The European Reformations (2 ed.). Wiley-Blackwell. ISBN 978-1-4051-8067-2 
  • Maddox, Marion (2012). Farhadian, Charles E.. ed. Introducing World Christianity. John Wiley & Sons. ISBN 978-1-4051-8248-5 
  • Patterson, Eric; Rybarczyk, Edmund John (2007). The Future of Pentecostalism in the United States. Lexington Books. ISBN 978-0-7391-2103-0 
  • Poloma, Margaret (1989). The Assemblies of God at the Crossroads: Charisma and Institutional Dilemmas. University of Tennessee Press. ISBN 978-0-87049-607-3 
  • Posner, Sarah; Conason, Joe (2008). God's Profits: Faith, Fraud, and the Republican Crusade for Values Voters. Polipoint Press. ISBN 978-0-9794822-1-2 
  • Robins, R. G. (2010). Pentecostalism in America. ABC-CLIO. ISBN 978-0-313-35294-2 
  • Robbins, Joel (2010). Allan Anderson. ed. Studying Global Pentecostalism: Theories and Methods. Michael Bergunder, André Droogers, and Cornelis van der Laan. University of California Press. ISBN 978-0-520-26662-9 
  • Smith, James K. A. (2010). Thinking in tongues: Pentecostal Contributions to Christian Philosophy. William B. Eerdmans Publishing. ISBN 978-0-8028-6184-9 
  • Walton, Jonathan L. (2009). Watch This!: the Ethics and Aesthetics of Black Televangelism. NYU Press. ISBN 978-0-8147-9417-3 
  • Wiegele, Katharine L. (2005). Investing in Miracles: El Shaddai and the Transformation of Popular Catholicism in the Philippines. University of Hawaii Press. ISBN 978-0-8248-2861-5 
  • Wilson, J. Matthew (2007). From Pews to Polling Places: Faith and Politics in the American Religious Mosaic. Georgetown University Press. ISBN 978-1-58901-172-4