Xenocrates Chalcedonius (Graece: Ξενοκράτης; natus 396 aut 395 a.C.n.; mortuus 314 aut 313 a.C.n.Athenis) fuit philosophus antiquitatis. Discipulus fuit Platonis, cuius academiam anno 339/338 regendam suscepit eique plus viginti annos praefuit. Cum habenas academiae diu regeret, magni momenti ad philosophiam academicam colendam et augendam fuit. Etsi in quibusdam partibus doctrinae a Platone discrepuit, studiis suis interpretationi operis magistri sui maxime profuit.