James Stewart

James Stewart
Gebuertsnumm James Maitland Stewart
Gebuer 20. Mee 1908
Gestuerwen 2. Juli 1997
Beverly Hills
Doudesursaach Häerzschlag
Nationalitéit USA
Aktivitéit Offizéier, Pilot, Charakterschauspiller, Televisiounsregisseur, Dréibuchauteur, Militär, Theaterschauspiller, Dichter, Synchronspriecher, Filmregisseur, Schauspiller
Partei Republican Party

Den James Stewart gebuer als James Maitland Stewart den 20. Mee 1908 zu Indiana, Pennsylvania a gestuerwen den 2. Juli 1997 zu Beverly Hills, Kalifornien war en US-amerikanesche Schauspiller.

Den James Stewart huet op der Mercersburg Academy an duerno op der Princeton Universitéit studéiert.

No der Universitéit huet hie sech enger Theatergrupp ugeschloss, de Falmouth Players, déi vum Regisseur Joshua Logan (1908-1988), engem Frënd aus senger Studentenzäit aus Princeton, geleet gouf

Säin Duerchbroch am Kino hat hie mat de Frank Capra Filmer You Can't Take It With You (1938) a Mr. Smith Goes To Washington (1939). Am Joer 1939 hat hie säin éischten Optrëtt an engem Western an zwar an Destry Rides Again vum George Marshall zesumme mat der Marlene Dietrich.

Am Zweete Weltkrich war hie Pilot an de United States Army Air Forces. Nom Krich gouf hie Reserveoffizéier an huet an den 1960er Jore seng Carrrière an der Arméi als Major General ofgeschloss.

Säin éischten Erfolleg am Kino nom Krich hat hien am Joer 1948 am Film Call Northside 777 vum Henry Hathaway.Am selwechte Joer huet hien eng Haaptroll am Film Rope vum Alfred Hitchcock iwwerholl. Den Alfred Hitchcock huet hien duerno nach an dräi Filmer agesat sou am Joer 1954 am Krimi Rear Window mat der Grace Kelly als Partnerin. Duerno 1956 am Film The Man Who Knew Too Much mat der Doris Day. Säi leschte Film mam Hitchcock aus dem Joer 1958 de melodramatesche ThrillerVertigo zesumme mat der Kim Novak hat net vill Erfolleg am Kino. Vun der Kritik gouf de Film da spéider rehabilitéiert a gëtt haut als geniaalt Meeschterwierk ugesinn an dem den Hitchcock seng perséinlech Obsessiounen thematiséiert.

An den 1950er Joren ass de Stewart dacks als Westernduersteller opgetrueden an dat besonnesch a Filmer vum Regisseur Anthony Mann wéi Winchester '73, Bend of the River, The Naked Spur an The Man from Laramie.

Hien huet 1957 ënner der Regie vum Billy Wilder am Film The Spirit of St. Louis, deen dem Charles Lindbergh säi berüümte Fluch iwwer den Atlantik erzielt, de Personnage vum Lindbergh gespillt.

Nieft dem John Wayne an dem Lee Marvin war den James Stewart 1962 am Western The Man Who Shot Liberty Valance ze gesinn. De Film gëtt haut zu de grousse Klassiker vum Genre gezielt.

Den James Stewart koum 1965 nach eng Kéier grouss eraus mam Abenteuerdrama The Flight of the Phoenix vum Robert Aldrich an deem hien de Pilot vun engem Fliger, deen an enger Wüste erofgefall ass, spillt.

Filmographie

Kino

vun 1935 bis 1939

Den James Stewart (1981)
  • 1935: The Murder Man vum Tim Whelan mam Spencer Tracy
  • 1936: Rose-Marie vum W.S. Van Dyke mam Jeanette MacDonald an Nelson Eddy
  • 1936: Next Time We Love vum Edward H. Griffith mam Margaret Sullavan a Ray Milland
  • 1936: Wife vs. Secretary vum Clarence Brown mam Clark Gable an Jean Harlow
  • 1936: Small Town Girl vum William A. Wellman mam Janet Gaynor a Robert Taylor
  • 1936: Speed vum Edwin L. Marin
  • 1936: The Gorgeous Hussy, vum Clarence Brown mam Joan Crawford a Robert Taylor
  • 1936: Born to Dance vum Roy Del Ruth mam Eleanor Powell
  • 1936: After the thin Man vum W.S. Van Dyke mam William Powell a Myrna Loy
  • 1937: Seventh Heaven vum Henry King mam Simone Simon
  • 1937: The Last Gangster vum Edouard Ludwig mam Edward G. Robinson
  • 1937: Navy Blue and Gold vum Sam Wood mam Robert Young
  • 1938: Of Human Hearts vum Clarence Brown mam Walter Huston a Beulah Bondi
  • 1938: Vivacious Lady vum George Stevens mam Ginger Rogers a Beulah Bondi
  • 1938: The Shopworn Angel vum H.C. Potter mam Margaret Sullavan a Walter Pidgeon
  • 1938: You Can't Take It with You vum Frank Capra mam Jean Arthur a Lionel Barrymore
  • 1939: Made for Each Other vum John Cromwell mam Carole Lombard a Charles Coburn
  • 1939: Ice Follies of 1939 vum Reinhold Schünzel mam Joan Crawford a Lew Ayres
  • 1939: It's a Wonderful World vum W.S. Van Dyke mam Claudette Colbert
  • 1939: Mr. Smith Goes to Washington vum Frank Capra mam Jean Arthur a Claude Rains
  • 1939: Destry Rides Again vum George Marshall mam Marlene Dietrich a Mischa Auer

vun 1940 bis 1949

vun 1950 bis 1959

vun 1960 bis 1969

vun 1970 bis 1991

Auszeechnungen

  • 1941: Oscar als beschte Schauspiller an The Philadelphia Story
  • 1985: Éieren-Oscar fir säi Liewenswierk


Literatur

  • Donald Dewey: James Stewart. A Biography.
  • Tony Thomas: A Wonderful Life. The Films and Career of James Stewart. Citadel Press, Secaucus (N.J.) 1988.
  • Howard Thompson: James Stewart. Seine Filme - sein Leben. Heyne, München 1988.
  • Starr Smith: Jimmy Stewart, Bomber Pilot. St. Paul, Minnesota: Zenith Press, 2005.

Um Spaweck

Commons: James Stewart – Biller, Videoen oder Audiodateien