Pierre Maisonnet

Pierre Maisonnet
Gebuer 28. November 1755
Lëtzebuerg
Gestuerwen 29. Abrëll 1827
Lëtzebuerg
Nationalitéit Lëtzebuerg
Aktivitéit Moler, Lycéesprofesser
Famill
Kanner François-Joseph Maisonnet, Pierre-Joseph Maisonnet
D'Madame Chrétien Faber-Génin gemoolt vum Maisonnet

De Pierre-François ("Pierre") Maisonnet, gebuer de 28. November 1755 an der Stad Lëtzebuerg, an och do gestuerwen den 29. Abrëll 1827, war e Lëtzebuerger Moler. Hie war de Jong vum Pierre Maisonnet (Petrus Maisonnette) an der Margaretha Rodenmacher.

Säi Liewen

Et ass net sécher, ob de Pierre Maisonnet e Schüler vum Orvaler Moler, dem Brudder Abraham Gilson, war, ier en op Antwerpen Konscht studéiere goung[1].

De Pierre Maisonnet huet haaptsächlech Portraite gemoolt. Sou krut hien och den Optrag fir e Portrait vum Keeser Joseph II. ze molen, wéi dee 1781 zu Lëtzebuerg war. 1792 huet hien dunn och deem säi Bouf an Nofollger, de Leopold II. portraitéiert. De Maisonnet huet och d'Pläng fir den Dekor vum Gouverneurspalais gezeechent an d'Aarbechten iwwerwaacht[2].

Wärend enger Rëtsch Joren huet de Maisonnet Kierchebiller gemoolt oder restauréiert an Ornamenter gemoolt[3].

Wéi de Jean-Baptiste Pioche 1811 gestuerwen ass, huet de Maisonnet deem seng Funktioun als Zeecheprofesser am Collège municipal, dem haitege Kolléisch, iwwerholl. Zu senge Schüler hunn ë. a. de Jean-Baptiste Fresez an de Jacques Sturm gehéiert.

Wierker (Auswiel)

  • Portrait vum Keeser Joseph II.
  • Portrait vun der Madame Chrétien Faber-Génin

An der Kollektioun vum Nationalmusée fir Geschicht a Konscht:

  • Portrait vum Keeser Leopold II. (1791)
  • Portrait vum Franz I. (1792)
  • Allégorie de la sculpture
  • Allégorie de la peinture

Galerie

  • Portrait vum Keeser Leopold II.
    Portrait vum Keeser Leopold II.
  • Allégorie de la peinture
    Allégorie de la peinture
  • Allégorie de la peinture
    Allégorie de la peinture

Unerkennungen

Zu Bouneweg ass d'Rue Pierre Maisonnet no him benannt.[4]

Literatur

  • APEA, 1987. Regard sur deux siècles de création et d'éducation artistiques au Luxembourg. Association des Professeurs d'Education artistique de l'Enseignement secondaire et supérieur (APEA), Impr. St-Paul, Luxembourg, 332 S. (Pierre Maisonnet: S. 76.
  • Jean-Marie Yante & Bénédicte Pétrement, Frère Abraham - Moine peintre d'Orval 1741-1809; Virton (éd. du Musée Gaumais), 2009. - Vgl. S. 146 à propos Pierre Maisonnet!

Kuckt och

Um Spaweck

Commons: Pierre Maisonnet – Biller, Videoen oder Audiodateien

Referenzen an Notten

  1. ↑ Henri Carême (2023) Les peintres et peinture dans le duché de Luxembourg au XVIIIe siècle. Luxemburg: Musée national d'archéologie d'histoire et d'art. ISBN 9788836654413.
  2. ↑ Inauguration Kaiser Leopolds II. zu Luxemburg, Das Luxemburger Land, Nr 14, 4. Abrëll 1886, S. 324
  3. ↑ Auguste Neyen (1860) Biographie Luxembourgeoise: histoire des hommes distingués originaires de ce pays considéré à l'époque de sa plus grande étendue, ou qui se sont rendus remarquables pendant le séjour qu'ils y ont fait. Volume 1. Lëtzebuerg: Pierre Buck.
  4. ↑ "Was bedeuten die Straßennamen der Stadt", ons stad', n° 21 (1986), S. 34.