Vizepresident vun de Vereenegte Staaten

De Vizepresident vun de Vereenegte Staate vun Amerika ((en) Vice President of the United States of America) ass de Stellvertrieder vum President an domat Inhaber vum zweethéchsten Amt vun de Vereenegte Staaten.

De Vizepresident gëtt all véier Joer gewielt. Anescht ewéi beim President, gëtt et keng Begrenzung fir erëm gewielt ze ginn.

Den aktuellen a 50. Vizepresident ass zanter dem 20. Januar 2025 de Republikaner JD Vance.

De Vizepresident ass als Nofollger vum President op der éischter Plaz, falls de President wéinst Doud, Récktrëtt oder Amtsenthiewung net méi weider maache kann. Am Fall vun enger Amtsonfäegkeet ersetzt de Vizepresident de President kommissaresch. Gläichzäiteg ass de Vizepresident och President vum Senat a kann do bei engem Patt déi entscheedend Stëmm ofginn. Weiderhin hëlt de Vizepresident un zeremoniellen Aufgaben deel.

Uganks als Amt ouni richteg Bedeitung, a meeschtens ouni Afloss op d'Regierung, hëlt de Vizepresident zënter 1933 reegelméisseg u Kabinettssëtzungen deel. Ausserdeem huet de Vizepresident zënter 1961 och e Büro am Wäissen Haus. Hautdesdaags ass hien an der Reegel ee vun de wichtegste Beroder vum President.

Commons: Vizepresidente vun de Vereenegte Staaten – Biller, Videoen oder Audiodateien