Coimbra (distrik)
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
| Distrik van Portugal Coimbra | ||||
| ||||
|
| ||||
| Hoofplaats | Coimbra | |||
| Opperflaakde | 3947 km² | |||
| Inwoeners – Deechde |
429 987 (2011)[1] 109/km² | |||
Coimbra (IPA: [kuˈĩbɾɐ]) is 'n distrik in Portugal. 't Distrik grens in 't noorde aon Aveiro en Viseu, in 't ooste aon Guarda en Castelo Branco, in 't zuie aon Leiria en in 't weste aon d'n Atlantischen Oceaon.
Bestuurleke indeiling
't Distrik Coimbra is oonderverdeild in 17 gemeintes:
- Arganil
- Cantanhede
- Coimbra
- Condeixa-a-Nova
- Figueira da Foz
- Góis
- Lousã
- Mira
- Miranda do Corvo
- Montemor-o-Velho
- Oliveira do Hospital
- Pampilhosa da Serra
- Penacova
- Penela
- Soure
- Tábua
- Vila Nova de Poiares
Fysische geografie
't Dal van de revier Mondego bepaold 't uterlek vaan 't westelek deil vaan 't distrik, dewijl de reviere Alva en Ceira 't oostelek deil bepaole. De westeleke kösvlakte kump neet hoeger es 252 meter (de Serra da Boa Viagem). In 't ooste ligke evels de berg. 't Noordelek deil is neet erg oetgesproke, mèt 'n huugde vaan 549 meter (de Serra do Buçaco), mer in 't zuidooste weurt 't 1205 meter hoeg (de Serra da Lousã), en in de Serra do Açor zelfs 1418 meter hoeg (de zoegeneumpde Pico de Cebola ofwel Unne Tóp).
In de reviere ligke versjèllende damme: in de Mondego de Barragem da Aguieira en de väöl kleinere Barragem da Raiva, in de Alva de Barragem do Rei de Moinhos en de Barragem de Fronhas, en in de Ceira de Barragem do Alto de Ceira en de Barragem de Monte Redondo. Wijer gief 't nog de Barragem de Santa Luzia in de revier Unhais.
De köslijn besteit veurnaomelek oet zand, mèt in 't noorde oetgestrekde duine die soms kilometers 't land ingoon.
| |
|---|---|
|
Aveiro · Beja · Braga · Bragança · Castelo Branco · Coimbra · Évora · Faro · Guarda · Leiria · Lissabon · Portalegre · Porto · Santarém · Setúbal · Viana do Castelo · Vila Real · Viseu | |