Theologie

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Theologie (Grieks: θεολογία, van θεός, theós - god en λόγος, lógos - hie:sjtudie) ies letterlik de sjtudie van God, en miè algemein de weitensjap die religies, hun systeme en documente besjtudeert. Dèks bedoelt me mèt 't woord "theologie" de christelike theologie.

In de theologie mak me gebruuk van de bronne van religies, zoawie de Biebel en de Koran. Andersj es in de natuurweitensjappe geit me d'r in de theologie dèks vanoet dat d'r gein objectief sjtandpunt besjteit, zeker es 't um geluifskwesties geit. De meiste theologe huère dan ouch tot ein bepaalde levesbesjouwelike sjtruiming.