Górfo de Zena

O Górfo de Zêna (Golfo di Genova in italiàn) o l'é a pàrte ciù a setentrión do Mâ Lìgure. A lìnia imaginâia ch'a-o delìmita a va da-o fâro do Còu de Méie a-o Górfo da Spéza, ciù precizaménte a-a Parmæa.

A rivêa do górfo, afaciâ vèrso sùd, a l'é lónga ciù ò mêno 240 km e a conprénde tùtta a còsta da çitæ metropolitànn-a de Zêna e a ciù pàrte da rivêa de provìnse de Sànn-a e da Spézza. A çitæ prinçipâ a l'é Zêna, o pòrto prinçipâ do Mâ Mediterànio, ch'a dà o nómme a quésto górfo.

A-o seu intèrno s'atrêuvan doî górfi ciù picìn ascì, o Górfo Paradîzo e o Górfo do Tigùlio, ciù che di càppi inportànti, cómme o Còu de Méie, o Càppo Nöi e a Pónta Manæa.

• Mâ Lìgure

• Wikimedia Commons a contêgne di files in sce Górfo de Zena

• (EN) Gulf of Genoa, Encyclopædia Britannica, Inc. URL consultòu l'11 arvî 2021.