Дирк Вернер Новицки (роден на 19 јуни1978 во Вирцбург) — поранешен германскикошаркар. Кариерата ја започнал играјќи во локалниот кошаркарски клуб ДЈК Вирцбург, а потоа бил избран како 9-ти пик на НБА драфтот 1998 од страна на Милвоки Бакс и веднаш бил разменет во Далас Маверикс, каде тој ја поминал целата 21-годишна НБА кариера.[1]
Новицки е единствениот играч кој играл 21 година за една НБА франшиза. Тој бил учесник на Ол-стар натпреварите 14 пати и 12 пати бил избран во Ол-НБА тим. Тој е првиот Европеец кој ја има освоено МВП наградата за најкорисен играч во сезоната 2006-2007. Негов најголем дострел со тимот на Далас Маверикс се случил во сезоната 2010-2011, кога ја освоил шампионската титула победувајќи го Мајами Хит во НБА финалето 2011 со 4-2 во серијата. Новицки исто така бил прогласен за најкорисен играч на финалето.
Забележителни успеси има постигнато и со репрезентацијата на Германија. На Светското првенство 2002, Германија го освоила бронзениот медал, а Новицки бил прогласен за МВП на турнирот. Три години подоцна, на Европското првенство 2005 Новицки со Германија стигнал до финалето во кое биле поразени од Грција.
НБА првенство (1) : 2010-2011 со Далас Маверикс
Бронзен медал: 2002
Сребрен медал: 2005
Дирк Новицки на Ризницата
Семрежната филмска база на податоци (англиски)
