Ив Бисума

Ив Бисума
Лични податоци
Полно име Ив Бисума[1]
Роден на 30 август 1996(1996-08-30) (28 г.)[2]
Роден во Исиа, Брег на Слонова Коска
Држава Мали Мали
Висина &100000000000001820000001,82 м[2]
Позиција среден ред
Клупски податоци
Сегашен клуб Тотенхем Тотенхем
Број 8
Кариера*
Години Клуб Наст. (Гол.)
2014-2016 Реал Бамако Реал Бамако 13 (0)
2016-2017 Лил Лил 47 (3)
2017-2022 Брајтон Брајтон 112 (3)
2022- Тотенхем Тотенхем 60 (2)
Репрезентација
2015 Мали Мали 23 3 (0)
2015- Мали Мали 28 (3)

Ив Бисума (роден на 30 август 1996 година, во Исиа) — малиски фудбалер, играч од средниот ред на Тотенхем и на репрезентацијата на Мали.

Технички одлики

Играч од средниот ред со основна задача да ја расипува играта на противникот, но исто така може да игра и пред одбраната како плејмејкер. Располага со голема физичка сила, покрива многу терен и е одличен во враќање на поседот на топката за својот тим.[3]

Клупска кариера

Роден во Брегот на Слоновата Коска, но израснат во Мали, тој ја започнал својата кариера во 2009 година во редовите на СК Мажестик. Во 2014 година, тој се преселил во Реал Бамако каде истата година го направил своето професионално деби. Во овој клуб останал околу две години, пред да ја напушти татковината и да замине во Европа.

Во 2016 година, тој бил купен од францускиот клуб Лил.[4] На 28 јули, го имал своето деби за францускиот клуб во натпревар од квалификациите за УЕФА Лига Европа против Габала што завршил 1-1. Потоа, на 20 септември, тој дебитирал во француската Лига 1, во поразот со 1-2 од Тулуза. Својот прв гол во кариерата го постигнал на 11 јули 2017 година, против Анже. Вкупно за Лил има 55 натпревари и 4 гола.

Во 2018 година, Бисума се преселил во Брајтон, со кого потпишал петгодишен договор.[5] Дебитирал за клубот од Источен Сасекс, на 11 август 2018, во поразот со 2-0 од Вотфорд на отворањето на сезоната во Премиер лигата. Тоа воедно било и неговото деби во англиското првенство. На 5 јануари 2019 година, Бисума го постигнал својот прв гол за Брајтон во победата со 3-1 на гостувањето кај Борнмут во третата рунда на ФА Купот.[6] Својот прв гол во Премиер лигата, тој го постигнал во последното коло од сезоната 2019-2020 со удар од далечина во победата со 2-1 на гости против Барнли.[7]

На 22 јуни 2022 година, Бисума потпишал четиригодишен договор со Тотенхем.[8] Дебитирал за клубот на 6 август, влегувајќи како замена во второто полувреме во победата со 4-1 над Саутхемптон.[9]

На 24 август 2024 година, Бисума го постигнал својот прв гол за Тотенхем во победата со 4-0 на домашен терен над Евертон.[10] Во победата од 4-0 на гости над Манчестер Сити на 23 ноември 2024 година, Бисума добил жолт картон после само 14 секунди за прекршок над Фил Фоден, со што го надминал рекордот за најбрзиот жолт картон во историјата на Премиер лигата на Садио Мане (15 секунди).[11]

Репрезентативна кариера

Своето деби за репрезентацијата на Мали, го направил на 18 октомври 2015, на возраст од само 19 години, во победата со 2-1 на домашен терен над Мавританија во натпревар од квалификациите за Африканското првенство на нации 2016. Потоа, тој настапил во завршницата од ова првенство и постигнал гол во полуфиналето против Брег на Слоновата Коска, со кој Мали прославил победа од 1-0 и пласман во финалето. Сепак, таму тие загубиле со 3-0 од ДР Конго.

Тој ја претставувал својата земја на две изданија на Африканскиот куп на нации во 2017 и 2021 година.

Статистика

Клупска статистика

Статистиката е ажурирана на 28 февруари 2022

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2016-2017 Франција Лил Л1 23 1 КФ+ЛКФ 3+0 0+0 ЛЕ 1[12] 0 - - - 27 1
2017-2018 Л1 24 2 КФ+ЛКФ 2+2 1+0 - - - - - - 28 3
Вкупно Лил 47 3 7 1 1 0 - - 55 4
2018-2019 Англија Брајтон ПЛ 28 0 ФАКуп+ЛК 5+1 1+0 - - - - - - 34 1
2019-2020 ПЛ 22 1 ФАКуп+ЛК 1+0 0+0 - - - - - - 23 1
2020-2021 ПЛ 36 1 ФАКуп+ЛК 3+0 1+0 - - - - - - 39 2
2021-2022 ПЛ 26 1 ФАКуп+ЛК 1+1 1+0 - - - - - - 28 2
Вкупно Брајтон 112 3 12 3 - - - - 124 6
2022-2023 Англија Тотенхем ПЛ 23 0 ФАКуп+ЛК 1+1 0 ЛШ 3 0 - - - 28 0
2023-2024 ПЛ 28 0 ФАКуп+ЛК 0 0 - - - - - - 28 0
2024-2025 ПЛ 9 2 ФАКуп+ЛК 0+1 0 ЛЕ 3 0 - - - 13 2
Вкупно Тотенхем 60 2 3 0 6 0 - - 69 2
Вкупно во кариерата 219 8 22 4 7 0 - - 248 12

Наводи

  1. ↑ „2018/19 Premier League squads confirmed“. Premier League. 3 September 2018. Посетено на 4 September 2018.
  2. ↑ 2,0 2,1 „Yves Bissouma: Overview“. Premier League. Посетено на 26 August 2019.
  3. ↑ „Alla scoperta di Yves Bissouma“. 22 април 2021. Архивирано од изворникот на 2022-02-27. Посетено на 2022-02-27.
  4. ↑ „Bissouma firma il suo primo contratto da professionista con il Lille“. 7 јули 2016.
  5. ↑ „Il Brighton acquista Yves Bissouma“. 17 јули 2018.
  6. ↑ „FA Cup: AFC Bournemouth 1-3 Brighton & Hove Albion highlights - BBC Sport“. BBC Sport. 5 January 2019. Посетено на 5 January 2019.
  7. ↑ „Burnley 1-2 Brighton: Yves Bissouma's stunning strike sees of Clarets - BBC Sport“. BBC Sport. 26 July 2020. Посетено на 26 July 2020.
  8. ↑ „Bissouma joins Spurs“ (англиски). Посетено на 2022-06-17.
  9. ↑ „Biggest-ever opening day victory in Premier League era - report and reaction“. Tottenham Hotspur (англиски). Посетено на 2022-08-09.
  10. ↑ „Tottenham Hotspur vs Everton: Premier League“. BBC Sport (англиски). Посетено на 2024-08-24.
  11. ↑ „14 seconds: Ange Postecoglou will be fuming at £35m Tottenham star's crazy opening action vs Man City“. Caught Offside. 23 November 2024. Посетено на 24 November 2024.
  12. ↑ Во квалификациските кола

Надворешни врски

Портал „Биографија“
Портал „Фудбал“
Портал „Мали“
Состав на Мали на АФКОН 2021
  • 1 Мункоро
  • 2 Ама. Траоре
  • 3 Ш. Траоре
  • 4 А. Аидара
  • 5 Кујате
  • 6 М. Аидара
  • 7 Думбија
  • 8 Самасеку
  • 9 Туре
  • 10 К. Кулибали
  • 11 Л. Кулибали
  • 12 Сисако
  • 13 С. Кулибали
  • 14 А. М. Траоре
  • 15 Фофана
  • 16 Диара
  • 17 Сако
  • 18 Коне
  • 19 Џенепо
  • 20 Бисума
  • 21 А. Н. Траоре
  • 22 Диавара
  • 23 Диенг
  • 24 Самаке
  • 25 Синајоко
  • 26 Камара
  • 27 Куаме
  • 28 Ами. Траоре
  • Селектор: Магасуба
Мали