Крвави ходници
„Крвави ходници“ (англиски: Corridors of Blood) – филм на режисерот Роберт Деј (Robert Day) од 1958 година, снимен по сценариото на Џин Скот Роџерс (Jean Scott Rogers). Директор на фотографијата е Џефри Фајтфул (Geoffrey Faithfull), автор на музиката е Бакстон Ор (Buxton Orr). Главните улоги ги играат: Борис Карлоф (Boris Karloff), Кристофер Ли (Christopher Lee), Бета Сент Џон (Betta St. John), Финли Кари (Finlay Currie) и Френсис Метјус (Francis Matthews).[1]
Синопсис
Дејствието на филмот се одвива во Лондон, во 1840-тите. Д-р Томас Болтон (го игра Карлоф) сонува за незамисливото: да ги оперира пациентите без да им предизвика болка. За жал, патот до општата анестезија го попречуваат немилосрдниот убиец (го игра Ли) и Болтоновата разурнувачка зависност од сопствените хемиски експерименти.