Летни олимписки игри 1956

Летните олимписки игри - 1956 или 16-те Летни олимписки игри се одржале во Мелбурн. Натпреварите во коњички спортови се одржале 5 месеци порано во Стокхолм. Тоа било по вторпат во историјата на Олимписките игри натпреварите се одржувале во две различни земји. За првпат тоа се случило на Летните олимписки игри - 1920 одржани во Антверпен кога еден настан во едрење бил одржан во Холандија, поради тоа што натпреварувачите биле од оваа земја. Мелбурн бил избран за домаќин на игрите по победата на изборот за град-домаќин над конкурентите Буенос Аирес, Град Мексико, Лос Анџелес, Детроит, Чикаго, Минеаполис, Филаделфија и Сан Франциско на 43-тата сесија на МОК одражана во Рим на 28 април 1949.

Резултати од гласањето за избор на град-домаќин на Летните олимписки игри - 1956
Град	Земја	Прв круг	Втор круг	Трет круг	Четврт круг
Мелбурн	Австралија	14	18	19	21
Буенос Аирес	Аргентина	9	12	13	20
Лос Анџелес	САД	5	4	5	-
Детроит	САД	2	4	4	-
Град Мексико	Мексико	9	3	-	-
Чикаго	САД	1	-	-	-
Минеаполис	САД	1	-	-	-
Филаделфија	САД	1	-	-	-
Сан Франциско	САД	-	-	-	-

Ретроспектива

• Бидејќи Мелбурн е во јужната полутопка, летниот сонцестој е зимнски во северната полутопка и обратно, па игрите се одржале во невообичаен термин.
• Вмешаноста на Велика Британија и Франција во Суецката криза предизвикало на игрите да не учествуваат Египет, Либан и Ирак. Советскиот Сојуз интервенирал во Унгарија за времена Унгарската револуција, но и покрај тоа и двете нации одлично се претставиле на Олимписките игри. Но, поради тоа на игрите не учествувале Шпанија, Швајцарија и Холандија. Третиот бојкот бил на далечниот истоккаде што Кина протестирала во однос на прашањето за Формоза.
• Спортистите од Источна и Западна Германија се натпреварувале во комбиниран тим. Оваа практика траела сè до Летните олимписки игри - 1968 одржани во Град Мексико.
• Австралиската атлетичарка Бети Катберт освоила 3 златни медали и била наречена „Златната девојка“. Нејзиниот квалитет бил споредуван со спринтерот Боби Џо Мороу.
• Австралијанецот Мареј Роуз освоил 3 златни медали во пливање.
• Владимир Куц од Советскиот Сојуз победил во трките на 5000 и 10000m.
• Со инспирација од австралијанскиот тинејџер Џон Винг започнала Олимписката традиција на затворањето на Олимписките игри спортистите да парадираат заедно како симбол на соединетост на светот.
• Ласло Пап го одбранил златото од игрите 4 години пред тоа освоено во бокс во полусредна категорија.
• Започнува големата доминација на Советскиот Сојуз. Повеќе САД не е најуспешна нација.
• Игрите биле наречени „Пријателск игри“.

Спортови

Демонстративни спортови

• Австралиски фудбал
• Бејзбол

Земји-учеснички

На Летните олимписки игри - 1956 одржани во Мелбурн де битирале: Етиопија, Кенија, Фиџи, Малаја, Северно Борнео и Уганда. Спортистите од Источна и Западна Германија настапиле во кмбиниран тим. Таа практика останала сè до Летните олимписки игри - 1968 одржани во Град Мексико.

Пет нации учествувале во натпреварите во коњички спортови одржани во Стокхолм, но не и на игрите во Мелбурн:

• Камбоџа
• Египет
• Холандија
• Шпанија
• Швајцарија

Освојувачи на медали

Место	Земја	Злато	Сребро	Бронза	Вкупно
1	СССР	37	29	32	98
2	САД	32	25	17	74
3	Австралија (домаќин)	13	8	14	35
4	Унгарија	9	10	7	26
5	Италија	8	8	9	25
6	Шведска	8	5	6	19
7	Обединет тим на Германија	6	13	7	26
8	Велика Британија	6	7	11	24
9	Романија	5	3	5	13
10	Јапонија	4	10	5	19

Градби од Олимпијадата

Игрите во Мелбурн оставиле цел меќник на спортски зданија. Стадионот Мелбурн крикет Граунд беше срушен во 2004. Базенот постои сè уште како дел од Лексус центарот во Олимпискиот парк. Олимпискиото село е под приватна сопственост.

Наводи

Надворешни врски

• Страна на МОК за Летните олимписки игри - 1956

п р у Олимписки игри Летни Атина 1896 Париз 1900 Сент Луис 1904 Лондон 1908 Стокхолм 1912 1916 Антверпен 1920 Париз 1924 Амстердам 1928 Лос Анџелес 1932 Берлин 1936 1940 1944 Лондон 1948 Хелсинки 1952 Мелбурн 1956 Рим 1960 Токио 1964 Мексико 1968 Минхен 1972 Монтреал 1976 Москва 1980 Лос Анџелес 1984 Сеул 1988 Барселона 1992 Атланта 1996 Сиднеј 2000 Атина 2004 Пекинг 2008 Лондон 2012 Рио де Жанеиро 2016 Токио 2020 Париз 2024 Лос Анџелес 2028 Бризбејн 2032 Зимски Шамони 1924 Санкт Мориц 1928 Лејк Плесид 1932 Гармиш-Партенкихен 1936 1940 1944 Санкт Мориц 1948 Осло 1952 Кортина 1956 Скво Вели 1960 Инсбрук 1964 Гренобл 1968 Сапоро 1972 Инсбрук 1976 Лејк Плесид 1980 Сараево 1984 Калгари 1988 Албертвил 1992 Лилехамер 1994 Нагано 1998 Солт Лејк Сити 2002 Торино 2006 Ванкувер 2010 Сочи 2014 Пјонгчанг 2018 Пекинг 2022 Милано-Кортина 2026 Антички олимписки игри Олимписки меѓуигри 1906 Параолимписки игри Младински олимписки игри