Омразената осумка

„Омразената осумка“
Плакатот на македонски јазик
РежисерКвентин Тарантино
Продуцент
  • Ричард Н. Гледстин
  • Стејси Шер
  • Шенон Макинтош
СценаристКвентин Тарантино
Главни улоги
  • Семјуел Л. Џексон
  • Курт Расел
  • Џенифер Џејсон Ли
  • Волтон Гогинс
  • Демијан Бичир
  • Тим Рот
  • Мајкл Мадсен
  • Брус Дерн
  • Џејмс Паркс
  • Ченинг Тејтум
МузикаЕнио Мориконе
КинематографијаРоберт Ричардсон
МонтажаФред Раскин
Студио
  • The Weinstein Company[1]
  • Shiny Penny[2]
  • FilmColony[2]
  • Double Feature Films[3][4]
  • Visiona Romantica, Inc.[5]
ДистрибутерThe Weinstein Company
Премиера25 декември 2015 г. (САД)
7 јануари 2016 г. (Македонија)
Времетраење
  • 187 минути (Мултиплекс-верзија)
  • 168 минути (70-милиметарска верзија)
  • 210 минути (продолжена верзија)
Земја САД
Јазик
Буџет44 — 62 милиони долари[6][7]
Бруто заработка156,5 милиони долари

„Омразената осумка“ (англиски: The Hateful Eight) — американски вестерн на режисерот и сценарист Квентин Тарантино (Quentin Tarantino), кој е автор и на сценариото. Главните улоги ги играат: Семјуел Л. Џексон (Samuel L. Jackson), Курт Расел (Kurt Russell), Џенифер Џејсон Ли (Jennifer Jason Leigh), Волтон Гогинс (Walton Goggins), Тим Рот (Tim Roth), Мајкл Мадсен (Michael Madsen) и Брус Дерн (Bruce Dern). Филмските критичари позитивно ги оценила сценариото, музиката, фотографијата и глумата на Џејсон Ли. Автор на музиката е славниот композитор Енио Мориконе, кој ја освоил наградата „Оскар“ за најдобра оригинална музика. Џенифер Џејсон Ли била номинирана за „Оскар“ за најдобра глумица во споредна улога, додека Роберт Ричардсон бил номиниран во категоријата најдобра фотографија. Исто така, филмот бил номиниран за наградите БАФТА за најдобра женска споредна улога и за најдобро оригинално сценарио, додека победил во категоријата најдобра оригинална музика. Во овие категории, филмот бил номиниран и за наградите „Златен глобус“ при што Мориконе победил во категоријата најдобра музика, а тој бил номиниран и за наградите „Греми“ во две категории.[8]

Дејствието во филмот се случува веднаш по Американската граѓанска војна. Јунаците на филмот, ловците на глави и нивните случајни соседи, се принудени да чекаат зимска бура во една крчма. Филмот, објавен во есента 2013 г., првично бил замислен како продолжение на претходното дело на Тарантино, вестернот „Џанго разузданиот“. Во 2014 г., Тарантино го откажал проектот откако сценариото за филмот било објавено на семрежјето без негово знаење, но подоцна ја продолжил работата на филмот.[9][10] Премиерата на филмот во САД се одржала на 25 декември 2015 г., а во Македонија на 7 јануари 2016 г.

Содржина

Некое време по Американската граѓанска војна, кочија се движи низ зимскиот крајолик на Вајоминг. Ловецот на глави Џон Рут (го игра Расел) и неговата бегалка заробеничка Дејзи Домерг (ја игра Џејсон Ли) брзаат кон градот Ред Рок, каде Рут треба ја донесе Дејзи пред лицето на правдата. По патот, тие се среќаваат со мајорот Маркуиз Ворен (го игра Џексон), кој е озлогласен ловец на глави, и Крис Маникс (го игра Гогинс), кој тврди дека е новиот шериф на Ред Рок. Изгубени во виулица, друштвото бара засолниште во крчмата „Галантеријата на Мини“. Кога ќе пристигнат, ги пречекуваат непознати лица: Боб, кој тврди дека се грижи за местото додека Мини ја нема; Освалдо Мобреј, бесачот на Ред Рок; Џо Гејџ, говедарот; и конфедералистот Санфорд Смитерс. Како што виулицата ги надвладува падините на планината, осумте патници дознаваат дека можеби нема да стигнат до Ред Рок...

Улоги

Глумец Улога
Семјуел Л. Џексон Маркуиз Ворен (ловецот на глави)
Курт Расел Џон Рут (бесачот)
Џенифер Џејсон Ли Дејзи Домерг (затвореничката)
Волтон Гогинс Крис Маникс (шерифот)
Демијан Бичир Боб (Мексиканецот)
Тим Рот Освалдо Мобреј (малиот човек)
Мајкл Мадсен Џо Гејџ (говедарот)
Брус Дерн Санфорд Смитерс (конфедералистот)
Џејмс Паркс О. Б. Џексон
Ченинг Тејтум Џоди Домерг

Наводи

  1. ↑ McCarthy, Todd (15 December 2015). „'The Hateful Eight': Film Review“. The Hollywood Reporter. Посетено на 13 December 2022.
  2. ↑ 2,0 2,1 „The Hateful Eight (2015)“. AFI Catalog of Feature Films. Архивирано од изворникот February 7, 2018. Посетено на February 6, 2018.
  3. ↑ „The Hateful Eight“. Pharos. Посетено на 13 December 2022.
  4. ↑ „The Hateful 8“. The Hateful 8. Посетено на 13 December 2022.
  5. ↑ „The Hateful Eight (2015)“. British Film Institute. Архивирано од изворникот на June 14, 2016. Посетено на 13 December 2022.
  6. ↑ Предлошка:Cite Box Office Mojo
  7. ↑ „The Hateful Eight“. The Numbers. Архивирано од изворникот January 2, 2022. Посетено на January 2, 2022.
  8. ↑ [https://raspored.hrt.hr/?mreza=2&datum=2024-11-23 Mrska osmorka, američki film (2015.) (пристапено на 23.11.2024)}
  9. ↑ Staskiewicz, Keith (December 11, 2015). „Quentin Tarantino explains how Hateful Eight began as a Django novel“. Entertainment Weekly. Архивирано од изворникот January 4, 2016. Посетено на January 6, 2016.
  10. ↑ Kit, Borys (11 January 2014). „Quentin Tarantino's New Movie Sets Title, Begins Casting“. The Hollywood Reporter.

Надворешни врски