Органела

Клеточна биологија
Дијаграм на животинска клетка
Компоненти на типична животинска клетка: Јадренце Јадро Рибозоми (ситните точки и кај бр. 5) Везикула Рапав ендоплазматичен ретикулум Голџиев апарат Цитоскелет Мазен ендоплазматичен ретикулум Митохондрија Вакуола Цитосол (течноста која ги содржи органелите; и со кои ја сочинуваат цитоплазмата) Лизозом Центрозом Клеточна мембрана

Органела е клеточна структура во која се одвиваат најразлични процеси кои се од важност за клетката. По аналогија, улогата на органелите во клетката е како онаа на органите од организмот. Органелите се делат на универзални, растителни и животински органели.

• Универзални органели — се среќаваат во сите видови на клетки:
  • Јадрото е најважната клеточна органела. Во него се содржи генетската информација.
  • Митохондриите се органели во кои се одвива процесот наречен клеточно дишење.
  • Рибозомите учествуваат во синтезата на белковините.
  • Ендоплазматичниот ретикулум е внатрешноклеточен циркулаторен систем, кој врши транспорт на материи доста важни за клетката.
  • Голџиевиот систем учествува во образувањето на вакуолите, везикулите, лизозомите, сферозомите итн.
  • Вакуолите имаат улога во складирањето на клеточните сокови, како и при клеточната дигестија.
  • Микротубулите се градбени делови на цитоскелетот и учествуваат во делбата на животинската клетка
  • Трепки и камшичиња, учествуваат во најразличните движења на клетката.
  • Микротела, субмикроскопски структури со најразличен облик и функција.
• Растителни органели — ги има само во растителните клетки:
  • Пластидите, кои се пигментирани органели (освен леукопластите). Кај растенијата, хлоропластите имаат улога во фотосинтезата.
  • Сферозоми, синтетизираат липиди.
• Животински органели — ги има само во животинските клетки
  • Центриоли, кај животинските клетки учествуваат во градбата на делбеното вретено.