Оцет

Оцет[1][2] или киселина[3][4] (латински acetum) — зачин и конзерванс со кисел вкус. Се произведува со ферментација на алкохолни течности. Содржи помеѓу 5 и 15,5 % оцетна киселина.

Добивање

Оцетот главно се прави од алкохолни пијалаци, како што се вино, јаболковина (вино од јаболко) или, во Азија, од оризово вино. Може да се добие и непосредно од течности што содржат шеќер, на пример од шира, јаболковина или слад.

Комерцијалниот оцет може да се произведува со брза или со бавна постапка на ферментација. Во начело, бавните методи се користат во традиционалните оцети, каде што ферментацијата продолжува во текот на неколку месеци до една година. Подолгото време на ферментација овозможува создавање на нетоксично пелте составено од бактерии на оцетна киселина и нивниот целулозен биофилм, познат како мајка на оцетот.

Брзите методи ја додаваат гореспоменатата мајка на оцетот како бактериска култура во изворната течност пред да додаде воздух за да оксидира и да почне ферментацијата. Во брзите производствени постапки, оцетот може да се произведе за 1-3 дена.

За да се подобри вкусот, во оцетот по производството често се додаваат зачини, билки или овошје.

Посебно место меѓу оцетите има моденскиот балсамико оцет (Aceto Balsamico Tradizionale di Modena). Добивањето според постапката на стоење бара многу време, а исто така старее 12 или дури 25 години. Се старее во буриња од даб, цреша, црница или костен .

Индустриски оцет (оцетна киселина)

Оцетна киселина е 80 % киселинска есенција, која не треба да се користи во храната во овој облик. Таквата киселина мора да се чува во стаклен сад со многу видлива етикета Смртоносно опасна и меѓународно препознатлив симбол со череп, таа никогаш не смее да се чува во исти простории со храната за консумирање. Оваа киселина е неопходно да се разреди со вода пред да се користи за консумирање. Водата мора прво да ја вариме 20 минути, па на секои 16 литри вода да измешаме 1 литар оцет, па да добиеме 5% концентрат што може да се користи во храната. Добрите готвачи избегнуваат таков оцет, но за жал тоа не е секогаш случај во големите мензи.

Употреба на кујнски оцет

  • Убива плевел (влијае само на врвовите, корените остануваат)
  • Ја зголемува киселоста на почвата каде што е потребно.
  • За чистење на нечистотија и бигор
  • Отстранување на хром и некои други метали, вклучително и 'рѓа (некои метали реагираат со оцет и кородираат - алуминиум, калај, железо)
  • Отфрла некои животни и мрши
  • Ги ублажува ефектите од убоди и изгореници
  • Ја омекнува косата
  • Ги отстранува непријатните мириси

За овие цели не се препорачува употреба на индустриски оцет со повеќе од 5% оцетна киселина. Пречестата употреба на оцет или употребата на оцет со повеќе од 5% оцетна киселина може да предизвика алергии, изгореници, бронхитис, дерматитис, а во исхраната може да предизвика ерозија на забната глеѓ.[5]

Наводи

  1. ↑ „оцет“ — Дигитален речник на македонскиот јазик
  2. ↑ „оцет“ — Официјален дигитален речник на македонскиот јазик
  3. ↑ „киселина“ — Дигитален речник на македонскиот јазик
  4. ↑ „киселина“ — Официјален дигитален речник на македонскиот јазик
  5. ↑ VINEGAR:AN ALTERNATIVE TO GLYPHOSATE? Архивирано на 9 март 2021 г., University of Maryland Extension, Central Maryland Research and Education Center, 2017

Поврзано

  • Јаболков оцет

Надворешни врски