Себастијан Гриф

Себастијан Гриф (француски: Sébastien Gryphe, 29 март о. 1492 во Ројтлинген, Германија - 1556 во Лион, Франција) бил германски книжар-издавач и хуманист.

Тој бил син на Мишел Гриф (Greif, Gryff, Gryph), и од него го научил занаетот на печатење, во Германија а потоа и во Венеција. Околу 1520 дошол во Лион каде останал да работи како книжар.

Во прво време Гриф најчесто печател дела од правото и администрацијата, во готско писмо. Потоа се префрлил на латински класици. Тој исто така преведувал и грчки автори на латински. Објавувал дела на неговите современици Еразмо, Гијом Биде и Полициано.

Во 1540, Франсоа Рабле дошол кај Гриф за да ги објави своите преводи на Хипократ, Гален и Џовани Маинарди.

Неговиот брат Франц (Франсоа) бил печатар на rue des Carmes во Париз од 1532. Другиот брат, Јохан (Жан), останал во Венеција, каде исто така печател.

• Henri Louis & Jules Baudrier. Bibliographie Lyonnaise. (Lyon: Librairie ancienne d'Auguste Brun, 1895-1921) [(F) Z145.L9 B3].
• http://www.princeton.edu/~ferguson/h-ge-il.html Архивирано на 16 јули 2010 г.
• 450th anniversary of his death in 2006 : Quid novi? Sébastien Gryphe à l'occasion du 450e anniversaire de sa mort" Архивирано на 28 ноември 2006 г.