ജാക്വിലിൻ ഫെർണാണ്ടസ്
ജാക്വിലിൻ ഫെർണാണ്ടസ് | |
|---|---|
 2017-ൽ മുംബൈയിലെ ബാന്ദ്രയിൽ | |
| ജനനം | 11 ഓഗസ്റ്റ് 1985 |
| ദേശീയത | ശ്രീലങ്കൻ |
| കലാലയം | സിഡ്നി യൂണിവേഴ്സിറ്റി |
| തൊഴിൽ(s) | അഭിനേത്രി, മോഡൽ |
| സജീവ കാലം | 2009-ഇതുവരെ |
ജാക്വിലിൻ ഫെർണാണ്ടസ് (ജനനം: ഓഗസ്റ്റ് 11, 1985) ഒരു ഇൻഡോ-ശ്രീലങ്കൻ ചലച്ചിത്ര നടിയാണ്[1][2]. 2006-ലെ മിസ്സ് യൂണിവേഴ്സ് ശ്രീലങ്ക മത്സരത്തിൽ വിജയിയായിരുന്നു. 2009-ൽ ബോളിവുഡിൽ അലാഡിൻ എന്ന ചിത്രത്തിൽ അഭിനയിച്ചു. കനേഡിയൻ, ശ്രീലങ്കൻ, മലേഷ്യൻ വംശജരായ ഒരു ബഹുജന കുടുംബത്തിലാണ് ജനിച്ചത്. വളർന്നത്‌ ബഹറിനിലാണ്.സിഡ്നി യൂണിവേഴ്സിറ്റിയിൽ നിന്നും ജനകീയ ആശയവിനിമയത്തിൽ ബിരുദം നേടിയ ശേഷം ശ്രീലങ്കയിലെ ഒരു ടെലിവിഷൻ റിപ്പോർട്ടർ ആയി ജോലി ചെയ്തു[3]. 2006 ൽ മിസ്സ് യൂണിവേർസ് ശ്രീലങ്ക കിരീടം നേടി. 2009-ൽ ഇന്ത്യയിൽ മോഡലിംഗ് രംഗത്ത് പ്രവർത്തിക്കുമ്പോഴാണ് അഭിനയ മേഖലയിലേക്ക് കടന്നുവന്നത്. മർഡഡർ 2, ഹൌസ്ഫുൾ 2, റേസ് 2, കിക്ക് എന്നിവയാണ് പ്രധാന ചിത്രങ്ങൾ.