പെപ്പർ ആന്റ് കാരറ്റ്

Pepper&Carrot
സ്രഷ്ടാക്കൾ	David Revoy
വെബ്സൈറ്റ്	www.peppercarrot.com
Current status / schedule	Active; irregular publication schedule
ആരംഭിച്ചത്	10 May 2014
Genre(s)	Fantasy

ഡേവിഡ് റെവോയ് എന്ന് ഫ്രഞ്ച് ചിത്രകാരൻ തുടങ്ങിയ വെബ് കോമിക് പരമ്പരയാണ് പെപ്പർ ആന്റ് കാരറ്റ്. പെപ്പർ എന്ന കൗമാര മന്ത്രവാദിയും അവളുടെ കാരറ്റ് എന്ന പൂച്ചയും ഉള്ള കഥകളുടെ പരമ്പരയാണ് പെപ്പർ ആന്റ് കാരറ്റ്. 28 ഭാഷകളിലേക്ക് ഈ ചിത്രകഥ വിവർത്തനം ചെയ്യപ്പെട്ടിട്ടുണ്ട്. സംഘർഷങ്ങളില്ലാത്ത ഭാഷയും കഥകളുമായതിനാൽ എല്ലാവർക്കും ഇവ വായിക്കാവുന്നതാണ്.

പൂർണ്ണമായും സ്വതന്ത്രസോഫ്റ്റ്‍വെയർ ഉപയോഗിച്ചാണ് റെവോയ് ഈ പരമ്പര നിർമ്മിക്കുന്നത്. കൃത, ഇങ്ക്സ്കേപ്പ്, ബ്ലെന്റർ എന്നീ സോഫ്റ്റ്‌വെയറുകളാണ് പ്രധാനമായും ഉപയോഗിക്കുന്നത്. സ്വതന്ത്ര ലൈസൻസിലുള്ള കൃത ഫയലുകൾ ഡൗൺലോഡ് ചെയ്യുന്നതിന് ലഭ്യമാണ്.

എല്ലാ ചിത്രങ്ങളും ക്രീയേറ്റീവ് കോമൺസ് ആട്രിബ്യൂഷൻ 4.0 അനുമതിപത്രത്തിൽ ലഭ്യമാണ്. വ്യുൽപത്തി പ്രവർത്തനങ്ങളും ഫാൻസ് ചിത്രങ്ങളും റെവോയ് പ്രോവത്സാഹിപ്പിക്കുന്നു.

എല്ലാമാസവും ഒരു പുതിയ എപ്പിസോഡ് പുറത്തിറക്കാൻ റെവോയ്ക്ക് പദ്ധതിയുണ്ട് എന്നാൽ മിക്കപ്പോഴും അതിന് കഴിയാറില്ല.

കോമിക് വ്യവസായത്തിലെ ഇടനിലക്കാരെയും ഇടക്കുള്ള വിവിധ ഘട്ടങ്ങളെയും ഒഴിവാക്കുക എന്നതാണ് റെവോയുടെ ലക്ഷ്യം. പെപ്പർ ആന്റ് ക്യാരറ്റ് ഒരു സ്വതന്ത്രപരമ്പരയാണെങ്കിലും പേട്രൺ എന്ന പൊതുജനധനസമാഹരണ സംവിധാനം വഴി തന്നെ പിൻതുണയ്ക്കാൻ അദ്ദേഹം താത്പര്യപ്പെടുന്നു. ഓരോ എപ്പിസോഡിനും ഒരു ചെറിയ തുക സംഭാവന ഈ സംവിധാനം വഴി അദ്ദേഹം സ്വീകരിക്കുന്നു. ക്രെഡിറ്റ് കാർഡ് ഫീസുകൾക്കുപുറമേ പേട്രൺ സംവിധാനം 5% കമ്മീഷനും ചെലവാകുന്നു.