Жерар Депардьё
| Жерар Депардьё Gérard Depardieu | ||
 Жерар Депардьё 2010 онд | ||
| Бүтэн нэр | Жерар Ксавье Марсель Депардьё | |
| Иргэншил |  Франц Орос
| |
| Төрсөн огноо | 1948 оны 12 сарын 27 | |
| Төрсөн газар | Шатору, Эндр, Франц | |
| Танил үе | 1965—одоо | |
| Мэргэжлийн замнал | ||
|---|---|---|
| Мэргэжил | жүжигчин | |
| Гавьяа шагнал | «Алтан бөмбөрцөг» (1991) «Сезар» (1981, 1991) | |
Жерар Ксавье Марсель Депардьё (Франц: Gérard Xavier Marcel Depardieu, 1948 оны арванхоёрдугаар сарын 27-нд Шатору хотод төрсөн) — Францын алдарт жүжигчин. Тэрээр 200 гаруй кинонд тоглосон. Түүний тоглосон дүрүүдийн цар хүрээ асар өргөн юм: Холливудын блокбастерууд, наадмын шилдэг бүтээлүүдээс эхлээд бага төсөвтэй инээдмийн болон телевизийн цувралууд хүртэл ордог байна.
Депардьё гол дүр бүтээсэн «Нэвтрэх бичиг» (1990) киногоор «Алтан бөмбөрцөг» хүртэж, «Сирано де Бержерак» (1990) киногоор «Оскарт» дэвшиж байв.
Намтар
Францын нэрт жүжигчин тэрээр жирийн тариачин Рене Депардьё (франц. René Maxime Lionel Depardieu) гэр бүлд төрсөн бөгөөд эцэг нь уншиж, бичиж чаддаггүй нэгэн байжээ. Тэднийх Жерараас гадна таван хүүхэдтэй байсан тул гэдэс цатгалан, мөр бүтэн явуулахад туйлын хүнд байлаа. Ядуу, анхаарал халамж сул, ярилцах хүн байдаггүйгээс Жерар хэл ярианы асуудалтай болжээ. Жерар ярихдаа ээрдэг болсноор хүмүүсээс дөлөх болж, улмаар энэ асуудал нь түүнийг сургуулиа хаяхад хүргэсэн байна.
Депардье 2014 онд хэвлэгдсэн "Юм юм болсон" (франц: Ça s'est fait comme ça) намтар номондоо 10 настайдаа 15 настай мэт харагддаг байсан гэж бичжээ. Тэрээр бага наснаасаа ижил хүйстнүүдэд татагддаг гэдгээ ойлгосон. Эрэгтэйчүүдэд бэлгийн үйлчилгээ үзүүлж, хариуд нь мөнгө авдаг байсан гэж тус номондоо өгүүлсэн байна.
Сургууль завсардсаныхаа дараа тэрээр төрөлх хотынхоо нэгэн хэвлэлийн газар эх бэлтгэгчээр ажиллаж, дараа нь боксоор сонирхон хичээллэх болсон байна. Гэвч насанд хүрээгүй Жерар гэмт хэргийн бүлэглэлтэй холбогдож, цагдаагийн газрын хараа хяналтанд байх болжээ. Хожим санамсаргүй жүжигчний дамжаанд суралцснаар түүний авъяас тодорсон байна.
Лавлах холбоос
Цахим холбоос
Commons: Жерар Депардьё – Викимедиа зураг, бичлэг, дууны санЗагвар:1976-2000 оны Сезар шагналтан (эрэгтэй гол дүр — драм)