فِرِیدون‌کِنار یا فری‌کنار اتا شهر مازرون استان دله هسته که ونه شرق بابلسر، غرب محمودآباد، جنوب بابل و آمل درنه و شمال جه مازرون دریا لو دَره.[۳]
فریدونکنار سال ۱۳۲۰ شهر بیّه با این وجود از لحاظ تقسیمات سیاسی تا دهه هفتاد دهستان بی‌یه و تازه این گادر بخشداری بساته و اَی پئی‌ته سال ۱۳۸۶ شهرستان بیّه.[۴]پهلوی گادِر این شهر ِدریو لو شهرکون توریستی بسات بینه و مسافرون ِاتا گتِ مقصد بی‌یه.
نوم
حسین اسلامی گانه این شهر نوم قدیم‌ته ونه «پری کنار» بی‌بائه.[۵] اونچی مسلماً درسته، این شهر نوم ره قدیم «فری‌کنار» گاتنه.[۶]
مازرونی زوون دله «کنار» دیفاری، که دِ چی ره سیوا کانده و لَم و لِفار جه بساته وانه، ره گانّه. «کناری» هم قدیم کسونی ره گاتنه که غریب بینه و امونه گتِ شهرونِ وَر دَیینه.
جمعیت
سرشماری سال۱۳۹۱، فریدون کنار جمعیت ۳۶۱۹۲ نفر بی‌یه.[۷] این شهرِ مردمون اکثراً مازرونی زوون جه گپ زنّه و مسلمون هستنه.
منابع
↑ ۱٫۰۱٫۱ونه نوم اینجه بمو: جئونیمز. اثر یا نومِ زوون: انگلیسی. انتشارِ تاریخ: ۲۰۰۵.
