همدانِ اوستان اتا ایران ِاوستانها جه هسه که ونه مهمترین شهر نوم هم همدان هسته. این اوستان دله ۱٬۷۵۸٬۲۶۸ نفر جمیعت درنه و ونه گتی ۱۹۳۶۸ کم۲ هسته. همدان خله قدمت دارنه و مادهایِ تمدن و امپراتوری اونجه شکل بیته و همدان اون گدر «هگمتانه» یا «اکباتان» نوم داشته. هنتا شیرسنگی موجستمه اون دوره جه یادگار کته. همدان دله علیصدر غار و بوعلی سینایِ مزار هم قرار دارنه. این اوستان دله اسا تورک، کورد و فارس هئی جا زندگی کننه. همدان، شیشتا اوستانِ میونه کته و هچّی خارجی سامون ندارنه.