Frattamaggiore
| Frattamaggiore | |
| Nomme ufficiale: | Frattamaggiore |
|---|---|
| Stato: |  Italia
|
| Reggione: | Campania |
| Pruvincia: | 'e Napule |
| Estenzione: | 5 km² |
| Pupulazzione: | 32.731 |
| Denzità: | 6.447 ab./km² |
| 'E riune: | nisciuna |
| Commune vicini: | Cardito, Crispano, Frattaminore, Grumo Nevano, Sant'Arpino, Arzano |
| Coordinate giugrafiche: |
40°56'30"N, 14°16'20"E |
| Sinnaco: | {sinnaco} |
| Codice pustale: | 80027 |
| Prefisso pe ttelefunà: |
081 |
| Santo prutettore: | San Sosio martire |
| Festa d'o patrono: | 23 'e settembre |
| Sito: | frattamaggiore.org |
Frattamaggiore (rigginariamente Fracta Major pe lengua latina, Fràtt 'n dialetto frattese) è nu comune 'e 32.731 crestiane d''a pruvincia 'e Napule.
Ogge Frattamaggiore fa pparte 'e ll'agglomerato urbano 'e Napule.
Storia
'O primmo documento 'n ca se cita Frattamaggiore è 'e ll’anno 921 d.C. , ma int'ê documenti R.N.A.M. 'a zona risultava 'into ll’820 d.C. già abitata 'a campagnuole e prupietarie piccerille. 'A penzata cchiù credevole è ca 'o territorio già d''e primme secule a.C. fosse stato abbitato 'a nzediamente piccerille umane depennente 'a Atella e ca fosse stato gradualmente svuoscato. Aroppo 'a devastazione vandaleca d''o 455 d.C., 'e maiorente atellane, pe arreparse d''e ncurzione, nun sulo adificarono 'o buvero chiammato ogge Sant’Arpino, ma custruirono comme vedetta nu castiello antemurale, ca ospitava na guarnigione 'e surdate 'n difesa d''a cità 'e Atella, sito appunto 'n via Castiello, 'a via Genoino d''o Frattamaggiore 'e mmo. Propio attuorno ô castiello, ê autoctone abitatore d''a Fracta, 'o cchiù d''o cchiù spaccalegne, 'int'ô 850 d.C. se aggregette na culonnia 'e profughe 'e Miseno fujute d''a cità lloro custiera distrutta d''e saracene.
Pupulazzione
Pupulazzione censita
Evoluzione demografica
Frattamaggiore se truova a nord 'e Napule, 'o nomme risaglia ô 923, e 'int'ô 1300 fuje agghionto ll'appiellativo "maggiore", 'e sante patrone songo; San Sossio, ô quale 'a cità 'e Frattamaggiore ha arretto na chiesa 'n nomme sujo risaglente ô XII seculo, cu facciata rimaneggiata 'n stile goteco e barocco, e Santa Maria d''e Agnele.
Perzonagge canusciute
Frattamaggiore ha dato 'e natale a:
- Francesco Durante, musicista, cumpositore 'e museca sacra.
- Padre Mario Vergara, missionario d''o Pontificio Istituto Missioni Estere, muorto martire d''a fede 'n Birmania 'int'ô 1950 'a ll'aità 'e quarant'anne, pe 'o quale è 'n curzo 'o pruciesso 'e viatificazione.
- Giulio Genoino, pueta e letterato nato 'int'ô 1773.
- Arturo Lupoli, giuvane calciatore 'n forza â Sciorentina ,aroppo aver jucato 'into ll'Arsenal e 'int'ô Derby County, stabbelmente 'int'ô giro d''a Nazzionale 'e pallone d''a Nazzionale taliana Under-21
- Francesco Lodi, attaccante d''o Frosinone, aroppo aver militato pure 'into ll'Empoli, stabbelmente 'int'ô giro d''a Nazzionale 'e pallone d''a Nazzionale taliana Under-21.
- Arcangelo Pezzella, arbitro benemerdito d''a sezione 'e Frattamaggiore, ex fischietto 'e Serie A e pure nternazionale.
- Assunta Legnante, campionessa aropea 'e jetto d''o peso 'int'ô 2007.
- Giuseppe Basilica, scrittore, autore 'e "Giornata di festa a casa Maggio", rumanzo ca, 'int'ô stile 'e "Il Padrino" 'e Mario Puzo, cunta 'a saga 'e na famiglia 'e Camorra.
- 'o servo 'e Dio Padre Sossio Del Prete (1885-1952) pate francescano funnatore cu Antoniette Giuliano 'e ll'ordine religgioso "PICCOLE ANCELLE DI CRISTO RE"
- Lorenzo Costanzo, prufessore e canuscitore d''a storia antica e ricente 'e Frattamaggiore. Diacono d''a Basileca 'e S.Sossio L.M.
Economia
'A cetatina, ca ogge ha n'economia basata assenzialmente ncopp'ô cummercio e, 'n mesura piccerille, ncopp'ê servize, è stata nfra 'e maiore pruduttrice 'e cannavo 'n Italia 'int'ô passato.
